Live Updates

جسٹس ہیلپ لائن انٹرنیشنل کے تحت8 ویں نیشنل وومن لا کانفرنس 18 جون کو کراچی میں ہوگی

اتوار 25 مئی 2025 18:50

کراچی(اُردو پوائنٹ اخبارتازہ ترین - این این آئی۔ 25 مئی2025ء) جسٹس ہیلپ لائن انٹرنیشنل کے تحت 8 ویں نیشنل وومن لاء کانفرنس 18 جون کو آرٹس کونسل آف پاکستان میں ہوگی.اس برس کانفرنس کا موضوع خواتین کے حقوق کی مساوات اور بااختیاریت کو فروغ دینا ہے۔جسٹس ہیلپ لائن انٹرنیشنل کے صدر ندیم شیخ ایڈوکیٹ نے کانفرنس کے انعقاد کے سلسلے میں میڈیا بریفنگ کے دوران بتایا کہ کانفرنس کے چیئرمین آرگنائزنگ کمیٹی سابق جسٹس شہاب سرکی آرگنائزنگ کمیٹی فریدہ منگریوایڈوکیٹ،سلیم مائیکل ایڈوکیٹ،سید اسرارعلی ایڈوکیٹ،حارث امین بھٹی پر مشتمل ہوگی۔

(جاری ہے)

پاکستان کی طاقتور اور کامیابی کی حامل خواتین محترمہ فاطمہ جناح،شہید محترمہ بے نظیر بھٹو،عاصمہ جہانگیر ایڈوکیٹ،جنرل نگار جوہر،عارفہ کریم،ڈاکٹر رتھ فاو،کوہ پیما ثمینہ بیگ،موٹیویٹر منیبہ مزاری کی خدمات کو خراج تحسین پیش کرتے ہوئے نمایاں خدمات کی حامل خواتین میں ایوارڈ تقسیم کیے جائیں گے۔اس کانفرنس میں ممتاز شخصیات جسٹس ر سعیدہ جہاں،جسٹس ر سیدہ ماجدہ رضوی،پروفیسر فرحان عیسی،سید احمد شاہ،بیرسٹر سرفراز متیلو،کنول عابدی،تارا عذرا داود،شمسہ جبیں جواد،ڈاکٹر شہاب امام،دانش امان،غزالہ عارف کے علاوہ،خواتین ججز،وکلاء، لاء ایکسپرٹ شریک ہونگی۔