خیبرپختونخواہ میں سکیورٹی فورسز کے آپریشنز میں 9 خوارج مارے گئے

ہلاک تمام خوارج دہشتگردی کی متعدد وارداتوں میں ملوث تھے جن سے اسلحہ و گولہ بارود بھی برآمد کیا گیا؛ آئی ایس پی آر

ساجد علی اتوار 25 مئی 2025 20:20

خیبرپختونخواہ میں سکیورٹی فورسز کے آپریشنز میں 9 خوارج مارے گئے

راولپنڈی ( اُردو پوائنٹ اخبارتازہ ترین۔ 25 مئی 2025ء ) صوبہ خیبر پختونخواہ میں سکیورٹی فورسز کی مختلف کارروائیوں میں 9 بھارتی اسپانسرڈ دہشت گرد ہلاک ہوگئے۔

(جاری ہے)

پاک فوج کے ترجمان ادارے انٹر سروسز پبلک ریلیشنز ( آئی ایس پی آر ) کے مطابق خیبرپختونخواہ میں فورسز کی جانب سے تین مختلف کارروائیاں کی گئیں جن میں مجموعی طور پر 9 بھارتی سپانسرڈ دہشت گردوں کو ہلاک کردیا گیا، علاقے میں خوارج کے مکمل خاتمے کے لیے سرچ اور سینیٹائزیشن آپریشن جاری ہے۔

آئی ایس پی آر نے بتایا کہ ڈیرہ اسماعیل خان میں 4 بھارتی اسپانسرڈ خوارج واصلِ جہنم کر دیے گئے، ٹانک میں سکیورٹی فورسز نے کامیاب آپریشن کرتے ہوئے 2 خوارج کو ہلاک کیا جب کہ خیبر کے علاقے باغ میں کارروائی میں 3 بھارتی حمایت یافتہ خوارج مارے گئے، مارے گئے تمام خوارج دہشت گردی کی متعدد وارداتوں میں ملوث تھے، مارے گئے خوارج سے اسلحہ و گولہ بارود بھی برآمد کیا گیا۔