پاکستان دشمن کی ہر قسم کی جارحیت کا بھرپور جواب دینے کی صلاحیت رکھتا ہے، کسی بھی جارحیت کا منہ توڑ جواب دیا جائے گا، جوہری صلاحیت پاکستان کی خود انحصاری اور دفاعی خودکفالت کی بنیاد ہے، ڈاکٹر مہرین بھٹو

بدھ 28 مئی 2025 14:33

اسلام آباد (اُردو پوائنٹ اخبارتازہ ترین - اے پی پی۔ 28 مئی2025ء) رکن قومی اسمبلی ڈاکٹر مہرین بھٹو نے کہا ہے کہ پاکستان دشمن کی ہر قسم کی جارحیت کا بھرپور جواب دینے کی صلاحیت رکھتا ہے، کس بھی جارحیت کا منہ توڑ جواب دیا جائے گا، جوہری صلاحیت پاکستان کی خود انحصاری اور دفاعی خودکفالت کی بنیاد ہے،یومِ تکبیر ہمارے قومی عزم، اتحاد اور قربانیوں کا عکاس ہے۔

رکن قومی اسمبلی ڈاکٹر مہرین بھٹو نے یومِ تکبیر پر اپنے پیغام میں کہا کہ پاکستان کے لیے مئی کا مہینہ تاریخ کا سنہرا باب ہے۔

(جاری ہے)

انہوں نے کہا کہ پاکستان دشمن کی ہر قسم کی جارحیت کا بھرپور جواب دینے کی صلاحیت رکھتا ہے،پاکستان دشمن کی کس بھی جارحیت کا منہ توڑ جواب دے گا ۔ انہوں نے ذوالفقار علی بھٹو اور ڈاکٹر عبد القدیر خان کو اس ملک کو جوہری طاقت بنانے پر خراجِ تحسین پیش کرتے ہوئے کہا کہ ڈاکٹر عبد القدیر خان اور دیگر سائنسدانوں کی خدمات کو قوم ہمیشہ یاد رکھے گی۔

ڈاکٹر مہرین بھٹو نے مزید کہا کہ بھارت کے جواب میں پاکستان نے 6 ایٹمی دھماکہ کرکے دشمن کو بہترین جواب دیا ۔ انہوں نے کہا کہ جوہری صلاحیت پاکستان کی خود انحصاری اور دفاعی خودکفالت کی بنیاد ہے،یومِ تکبیر ہمارے قومی عزم، اتحاد اور قربانیوں کا عکاس ہے۔

Facebook Twitter Google + Share on Whatsapp

متعلقہ عنوان :

مزید قومی خبریں