Live Updates

محسن نقوی کی سعدیہ اقبال کو بولنگ رینکنگ میں پہلی پوزیشن حاصل کرنے پر مبارکباد

سعدیہ اقبال نے حوصلہ افزائی پر چیئرمین پی سی بی محسن نقوی کا شکریہ ادا کیا

ذیشان مہتاب جمعرات 29 مئی 2025 12:09

محسن نقوی کی سعدیہ اقبال کو بولنگ رینکنگ میں پہلی پوزیشن حاصل کرنے ..

لاہور (اردو پوائنٹ تازہ ترین اخبار ۔ 29 مئی 2025ء ) پاکستان کرکٹ بورڈ (پی سی بی) کے چیئرمین محسن نقوی سے پاکستان کی ٹاپ سپنر سعدیہ اقبال نے ملاقات کی ہے۔

چیئرمین پی سی بی نے سعدیہ اقبال کو آئی سی سی بولنگ رینکنگ میں پہلی پوزیشن حاصل کرنے پر مبارکباد دی اور ان کے لیے نیک خواہشات کا اظہار کیا۔

محسن نقوی نے ٹی ٹونٹی ورلڈ نمبر ون بولر کی شرٹ سعدیہ اقبال کو بطور تحفہ پیش کرتے ہوئے کہا کہ آپ پاکستان ویمنز کرکٹ کی اسٹار ہیں اور آپ نے پاکستان کا نام روشن کیا۔

(جاری ہے)

انہوں نے کہا کہ یہ اعزاز آپ کی محنت اور پروفیشنل اپروچ کا نتیجہ ہے، اُمید ہے کہ ورلڈ کپ میں بھی آپ اچھی کارکردگی کا تسلسل برقرار رکھیں گی، مستقبل میں سعدیہ اقبال اپنی صلاحیتوں اور محنت سے مزید کامیابیاں سمیٹیں گی۔

سعدیہ اقبال نے حوصلہ افزائی پر چیئرمین پی سی بی محسن نقوی کا شکریہ ادا کیا۔ ان کا کہنا تھا کہ انشاء اللّٰہ ورلڈکپ میں بھی اسی کارکردگی کا تسلسل برقرار رکھوں گی۔