Live Updates

پارٹی میں حکمت عملی کا فقدان نظر آرہا ہے، شوکت یوسف زئی

حکومت کو ڈرایا نہیں جاسکتاہے، اخلاقی طور پر حکومت پر دباؤ ڈالا جاتاہے، رہنما تحریک انصاف

جمعرات 29 مئی 2025 16:21

پشاور (اُردو پوائنٹ اخبارتازہ ترین - این این آئی۔ 29 مئی2025ء)پاکستان تحریک انصاف کے رہنما شوکت یوسف زئی نے کہا ہے کہ پارٹی میں حکمت عملی کا فقدان نظر آرہا ہے جس کی وجہ سے پارٹی میں کشمکش ہے، ورکرز میں لاوا پک رہا ہے۔پاکستان تحریک انصاف کے رہنما شوکت یوسف زئی نے ایک انٹرویومیں کہا کہ ہمیں پٴْرامن تحریک ضرور کرنی چاہیے۔انہوں نے کہا کہ حکومت کو ڈرایا نہیں جاسکتاہے، اخلاقی طور پر حکومت پر دباؤ ڈالا جاتاہے۔

شوکت یوسف زئی نے بتایا کہ بانی پی ٹی آئی سمجھوتہ نہیں کریں گے لیکن بات تو سامنے آئے کہ انہیں کیوں اندر رکھا ہوا ہے۔پی ٹی آئی رہنما نے کہا کہ پارٹی کی لیڈرشپ کو بانی پی ٹی آئی نے نامزد کیا ہے اور فیصلہ پارٹی کی لیڈرشپ نے کرنا ہے، پارٹی کی لیڈرشپ کو واضح موقف کے ساتھ سامنے آنا چاہیے، پارٹی میں حکمت عملی کا فقدان نظر آرہا ہے۔

(جاری ہے)

انہوں نے بتایا کہ پارٹی میں کشمکش ہے، ورکرز میں لاوا پک رہا ہے۔

شوکت یوسف زئی نے کہاکہ ہماری اولین ترجیح بانی پی ٹی آئی کو باہر نکالنا ہے، ہماری پارٹی کے ورکرز صورتحال سے پریشان ہیں۔انہوں نے کہا کہ لیڈرشپ کو چاہیے کہ ورکرز کو اعتماد میں لیں، اگر ورکرز خود نکلے تو مسائل ہوجائیں گے۔شوکت یوسف زئی نے بتایا کہ ہمیں لمبے عرصے تک سیاسی تحریک چلانی چاہیے، پارٹی کی قیادت اس وقت بیرسٹر گوہر کے پاس ہے، احتجاج کتنے دن کیلئے اور کیسے ہوگا اس کا بات انہیں علم نہیں۔انہوں نے کہا کہ ہم پٴْرامن لوگ ہیں، تحریک میں لیڈرشپ موجود ہو تو اچھا ہوگا۔