Live Updates

کوئی Give & Take نہیں، میرے دروازے اسٹیبلشمنٹ سے بات چیت کیلئے کھلے ہیں، عمران خان

پاکستان کیلئے بات چیت کرنے کوتیار ہوں اپنے لئے کوئی رعایت نہیں مانگ رہا رعایت مانگنا ہوتی تو بہت پہلے مانگ چکا ہوتا، میں صرف انصاف چاہتا ہوں میرے کیسز جلد سے جلد سنے جائیں، سینیٹر علی ظفر کی بانی پی ٹی آئی سے ملاقات کے بعد میڈیا سے گفتگو

فیصل علوی جمعرات 29 مئی 2025 15:10

کوئی Give & Take نہیں، میرے دروازے اسٹیبلشمنٹ سے بات چیت کیلئے کھلے ہیں، ..

راولپنڈی(اردوپوائنٹ اخبار تازہ ترین۔29 مئی 2025)بانی پی ٹی آئی عمران خان نے واضح کیا ہے کہ کوئی Give اینڈ take نہیں، میرے دروازے اسٹیبلشمنٹ سے بات چیت کیلئے کھلے ہیں، پاکستان کیلئے بات چیت کرنے کوتیار ہوں، اپنے لئے کوئی رعایت نہیں مانگ رہارعایت مانگنا ہوتی تو بہت پہلے مانگ چکا ہوتا، پی ٹی آئی کے سینیٹر علی ظفر نے بانی پی ٹی آئی عمران خان سے ملاقات کے بعد میڈیا سے گفتگو کرتے ہوئے کہا کہ بانی پی ٹی آئی نے کہا ہے کہ کچھ لو کچھ دو نہیں ہے ۔

میں صرف انصاف چاہتا ہوں میرے کیسز جلد سے جلد سنے جائیں۔ پاکستان میں اتحاد کیلئے کسی سے بھی بات چیت کرنے کیلئے تیار ہوں۔ احتجاجی تحریک کا اعلان ہوچکا ہے۔بانی پی ٹی آئی 5، 6 دن میںاگلا لائحہ عمل دیں گے۔احتجاجی تحریک کیلئے تمام پارٹی رہنماﺅں اپنی تیاری مکمل رکھیں۔

(جاری ہے)

انہوں نے کہا کہ بانی پی ٹی آئی عمران خان نے مزید یہ بھی کہا ہے کہ پارٹی لیڈر شپ مومونٹ کیلئے تیار ہوجائیں۔

اب میں برداشت نہیں کرونگا اگر کوئی سامنے نہ آیا اور وکٹ کے دونوں جانب کھیلنے کی کسی کو بھی اجازت نہیں دوں گا۔سینیٹر علی ظفر کا کہنا تھا کہ بانی پی ٹی آئی عمران خان سے جیل میں ملاقات کے دوران پارٹی رہنماوں نے عالیہ حمزہ کے اوپر بنائی جانے والی سیاسی کمیٹی سے آگاہ کیا جس پر بانی پی ٹی آئی نے پنجاب میں بنائی جانے والی کمیٹی پر شدید تحفظات کا اظہار کیا۔

انہوں نے ہدایات جاری کیں ہیں کہ عالیہ حمزہ کو سیاسی کمیٹی کا سربراہ بنایا جائے ۔ان کا یہ بھی کہنا تھا کہ بانی پی ٹی آئی عمران خان نے یہ ہدایات بھی جاری کیں ہیں عالیہ حمزہ کو کمیٹی کا سربراہ مقرر کیا جائے اور شمیم نقوی کو فیصلے سے آگاہ کیا جائے۔قبل ازیں بانی پی ٹی آئی عمران خان نے پنجاب میں بنائی گئی 4رکنی سیاسی کمیٹی پر اپنے تحفظات کااظہار کیا ہے۔

بانی پی ٹی آئی نے کمیٹی کے حوالے سے اپنی تشویش سینیٹر علی ظفر کے ذریعے پارٹی قیادت تک پہنچا دی ہے۔بانی پی ٹی آئی عمران خان نے سیاسی کمیٹی کا نوٹیفکیشن دوبارہ جاری کرنے کی ہدایت کی ہے ۔بانی پی ٹی آئی نے عالیہ حمزہ کو پنجاب میں سیاسی کمیٹی کا سربراہ مقرر کردیا ہے۔ بانی پی ٹی آئی کو پارٹی رہنماوں نے عالیہ حمزہ کے اوپر بنائی جانے والی کمیٹی سے آگاہ کیا جس پر انہوں نے پنجاب میں بنائی جانے والی کمیٹی پر شدید تحفظات کا اظہار کیاہے۔

کستان تحریک انصاف کے مرکزی سیکرٹری اطلاعات نے وضاحت کی ہے کہ عالیہ حمزہ کو پنجاب میں سیاسی کمیٹی کی سربراہی سے نہیں ہٹایا گیا۔ شیخ وقاص اکرم نے کہا ہے کہ عالیہ حمزہ بدستور اپنی ذمہ داری پر موجود ہیں اور چار رکنی کمیٹی ان کی معاونت کیلئے قائم کی گئی ہے۔