محسن نقوی کی سعدیہ اقبال کو بولنگ رینکنگ میں پہلی پوزیشن حاصل کرنے پر مبارکباد

جمعرات 29 مئی 2025 22:45

لاہور(اُردو پوائنٹ اخبارتازہ ترین - این این آئی۔ 29 مئی2025ء)پاکستان کرکٹ بورڈ (پی سی بی) کے چیئرمین محسن نقوی سے پاکستان کی ٹاپ اسپنر سعدیہ اقبال نے ملاقات کی ہے جس میں چیئرمین پی سی بی نے سعدیہ اقبال کو آئی سی سی بولنگ رینکنگ میں پہلی پوزیشن حاصل کرنے پر مبارکباد دی اور ان کے لیے نیک خواہشات کا اظہار کیا۔

(جاری ہے)

محسن نقوی نے ٹی ٹوئنٹی ورلڈ نمبر ون بولر کی شرٹ سعدیہ اقبال کو بطور تحفہ پیش کرتے ہوئے کہا کہ آپ پاکستان ویمنز کرکٹ کی اسٹار ہیں اور آپ نے پاکستان کا نام روشن کیا۔

انہوں نے کہا کہ یہ اعزاز آپ کی محنت اور پروفیشنل اپروچ کا نتیجہ ہے، اٴْمید ہے کہ ورلڈ کپ میں بھی آپ اچھی کارکردگی کا تسلسل برقرار رکھیں گی، مستقبل میں سعدیہ اقبال اپنی صلاحیتوں اور محنت سے مزید کامیابیاں سمیٹیں گی۔سعدیہ اقبال نے حوصلہ افزائی پر چیئرمین پی سی بی محسن نقوی کا شکریہ ادا کیا۔انہوںنے کہا کہ انشاء اللّٰہ ورلڈکپ میں بھی اسی کارکردگی کا تسلسل برقرار رکھوں گی۔