خیبرپختونخو میں آندھی، طوفان اور بارش سے 8 افراد جاں بحق ہوگئے. پی ڈی ایم اے

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔ 30 مئی ۔2025 )پی ڈی ایم اے نے کہا ہے کہ خیبرپختونخوا میں 27 مئی سے اب تک آندھی، طوفان اور بارش سے 8 افراد جان کی بازی ہار گئے جبکہ لاہور میں آندھی، اسلام آباد، راولپنڈی اورکھاریاں، سیالکوٹ میں بارش کے باعث متعدد علاقوں میں فیڈرز ٹرپ ہونے سے بجلی بند ہوگئی، دیوار گرنے سے 2افراد زخمی ہوگئے .

(جاری ہے)

رپورٹ کے مطابق خیبر پختونخوا میں حالیہ بارشوں کے باعث اب تک 21 افراد زخمی ہوئے ہیں، جاں بحق افراد میں 5 مرد، 2 خواتین اور ایک بچہ شامل ہے پی ڈی ایم اے کے مطابق زخمیوں میں 10 مرد، 5 خواتین اور 6 بچے شامل ہیں، بارشوں سے مجموعی طور پر 25 گھروں کو نقصان پہنچا 24 گھروں کو جزوی نقصان پہنچا جبکہ ایک گھر مکمل طور پر منہدم ہو گیا، حادثات پشاور، مردان، صوابی، شانگلہ، سوات، تورغر، مہمند، مانسہرہ، ہری پور میں پیش آئے.

دوسری جانب محکمہ موسمیات نے خیبر پختونخوا میں آئندہ 24گھنٹوں میں مزید بارش کی پیشگوئی کی ہے، پشاور سمیت مختلف علاقوں میں بارش متوقع ہے دوسری جانب لاہور میں آندھی، اسلام آباد، راولپنڈی اورکھاریاں، سیالکوٹ میں بارش کے باعث متعدد علاقوں میں فیڈرز ٹرپ ہونے سے بجلی بند ہوگئی، صوبائی دارالحکومت کے علاقے باگڑیاں میں آندھی چلنے سے دیوار گرنے سے 2افراد زخمی ہوگئے جن کو ہسپتال منتقل کر دیا گیا.

سوات کے بالائی علاقوں میں شدید ژالہ باری ہوئی، مردان شہر اور گردونواح میں تیز ہواں کا راج رہا، بٹ خیلہ، ہری پور اور گردونواح میں تیز ہواﺅں کے ساتھ موسلا دھار بارش ہوئی، اسلام آباد، راولپنڈی میں ژالہ باری اورطوفان کا الرٹ جاری کر دیا گیا. محکمہ موسمیات نے شہریوں کو حفاظتی تدابیر اختیار کرنے کا مشورہ دے دیا دریں اثناءمحکمہ موسمیات نے آئندہ24گھنٹوں میں بھی ملک کے مختلف علاقوں میں تیز ہواﺅں اور گرج چمک کے ساتھ بارش کی پیشگوئی کی ہے محکمہ موسمیات کے مطابق ا سلام آباد، خطہ پوٹھوہار، شمال مشرقی پنجاب، بالائی خیبرپختونخوا، کشمیر اور گلگت بلتستان میں مطلع جزوی ابر آلود رہنے کے علاوہ آندھی، تیز ہواﺅں اور گرج چمک کے ساتھ چند مقامات پر بارش کا امکا ن ہے.

اس دوران کشمیر،خطہ پوٹھوہار اور بالائی خیبرپختونخوا میں بعض مقامات پر موسلادھار بارش اور ژالہ باری کی بھی توقع ہے لاہور میں آندھی، اسلام آباد، راولپنڈی،کھاریاں اور سیالکوٹ میں بھی بارش ہوئی،بارش کی وجہ سے متعدد علاقوں میں فیڈرز ٹرپ ہونے سے بجلی بند ہوگئی،سوات کے بالائی علاقوں میں شدید ژالہ باری ہوئی، مردان شہر اور گرد و نواح میں تیز ہوائیں چلتی رہیں.

بٹ خیلہ، ہری پور اور گرد و نواح میں تیز ہواﺅں کے ساتھ موسلا دھار بارش ہوئی، دوسری جانب اسلام آباد، راولپنڈی میں ژالہ باری اورطوفان کا الرٹ جاری کر دیا گیا ہے،شہریوں کو حفاظتی تدابیر اختیار کرنے کی ہدایات جاری کردی گئی ہیں محکمہ موسمیات کے مطابق کراچی میں گرمی کی شدت برقرار اور موسم شدید گرم اور خشک رہنے کا امکان ہے محکمہ موسمیات نے خبردار کرتے ہوئے کہاہے کہ پارہ 41 ڈگری تک جاسکتاہے .