Live Updates

ایس ایس ڈی او کا اسلام آباد چائلڈ میرج ریسٹرینٹ بل 2025 پر صدر مملکت کے دستخط کا خیرمقدم

ہفتہ 31 مئی 2025 00:50

اسلام آباد (اُردو پوائنٹ اخبارتازہ ترین - اے پی پی۔ 31 مئی2025ء) سسٹین ایبل سوشل ڈویلپمنٹ آرگنائزیشن (ایس ایس ڈی او) نے اسلام آباد چائلڈ میرج ریسٹرینٹ بل 2025 پر صدر مملکت کے دستخط کا خیرمقدم کرتے ہوئے کہا ہے کہ یہ قانون وفاقی سطح پر بچوں کے تحفظ کی جانب ایک تاریخی قدم ہے۔

(جاری ہے)

جمعہ کو جاری ایک بیان میں ایس ایس ڈی او کے ایگزیکٹو ڈائریکٹر سید کوثر عباس نے کہا کہ یہ قانون پاکستان میں بچوں کے بنیادی انسانی حقوق کے تحفظ کی سمت ایک مضبوط پیش رفت ہے۔

اس وقت ملک بھر میں ہزاروں بچے کم عمری کی شادی جیسے سنگین مسئلہ سے متاثر ہو رہے ہیں، ایسے میں اس قانون کی منظوری قابلِ تحسین عمل ہے۔انہوں نے کہا کہ سندھ پہلے ہی کم عمری کی شادی کے خلاف مؤثر قانون سازی کر چکا ہے، اب وقت آ گیا ہے کہ پنجاب، خیبرپختونخوا اور بلوچستان بھی اسی طرز پر فوری اقدامات کریں تاکہ ملک بھر میں یکساں اور مؤثر چائلڈ پروٹیکشن کا نظام قائم ہو سکے۔