اٹک، دو افراد کو تاوان کیلئے اغواء اور قتل کرنے والا اجرتی قاتل پولیس مقابلے میں اپنے ہی ساتھیوں کی فائرنگ سے ہلاک

ہفتہ 31 مئی 2025 16:00

اٹک (اُردو پوائنٹ اخبارتازہ ترین - اے پی پی۔ 31 مئی2025ء) اٹک میں دو افراد کو تاوان کیلئے اغواء اور قتل کرنے والا اجرتی قاتل پولیس مقابلے میں اپنے ہی ساتھیوں کی فائرنگ سے ہلاک ہو گیا۔

(جاری ہے)

ترجمان اٹک پولیس کے مطابق فتح جنگ تھانہ میں قتل کے مقدمہ نمبر 279/25 میں گرفتار اجرتی پیشہ ور قاتل شاہ نذر عرف عبدالرحمٰن ولد شریف خان سکنہ پشاور جو کہ انتہائی شاطر اور خطرناک تھا کو برآمدگی کیلئے پولیس لے جا رہی تھی کہ بدڑہ داخلی حطارکے قریب نامعلوم بامسلح اشخاص نے روڈ پر پتھر رکھ کر بلاک کیا ہوا تھا اور پولیس ٹیم پر فائرنگ کر کے زیر حراست ملزم کو پولیس کی حراست سے چھڑا لیا اور مسلسل اندھا دھند فائرنگ کرتے ہوئے کر رات کی تاریکی میں غائب ہو گئے جو مزید نفری طلب کرنے اور سرچ آپریشن کے دوران ملزم شاہ نذر ڈھوک نامدار کے قریب مردہ حالت میں ملا جو اپنے ہی نامعلوم ساتھیوں کی فائرنگ سے ہلاک ہوا۔

پولیس ٹیم نےنامعلوم ملزمان کی تلاش کا عمل شروع کر دیاہے۔\378