Live Updates

ًدفاعی ٹارگٹ بنیان مرصوص کامیابی سے مکمل ہوا، اب معاشی ٹارگٹ پورے کرنے ہیں‘ رانا مشہود

ؒ شہباز شریف کی قیادت میں ملک ترقی کر رہا ہے، پاکستان کا ترقی یافتہ اور امن کا چہرہ دنیا کے سامنے ابھر کر آیا‘گفتگو

ہفتہ 31 مئی 2025 18:10

)لاہور(آن لائن)وزیراعظم یوتھ پروگرام کے چیئرمین رانا مشہود احمد خان نے کہا ہے کہ دفاعی ٹارگٹ بنیان مرصوص کامیابی سے مکمل ہوا، ہمیں اب معاشی ٹارگٹ پورے کرنے ہیں۔

(جاری ہے)

لاہور میں میڈیا سے گفتگو کرتے ہوئے انہوں نے کہا کہ بنیان مرصوص آپریشن کامیابی سے مکمل ہوا، پاکستان کا دفاع بنیان مرصوص آپریشن تھا، بنیان مرصوص آپریشن میں اللّٰہ نے پاکستان کو عزت دی۔رانا مشہود احمد خان کا Aکہنا تھا کہ وزیراعظم شہباز شریف کی قیادت میں ملک ترقی کر رہا ہے، پاکستان کا ترقی یافتہ اور امن کا چہرہ دنیا کے سامنے ابھر کر آیا۔انہوں نے کہا کہ حکومت انڈسٹریز میں ترقی کے لیے کوشاں ہے، آج ایکسپو سینٹر میں فوڈ نمائش کا انعقاد کیا جا رہا ہے، 30 سے زائد کمپنیاں نمائش میں حصہ لے رہی ہیں۔