Live Updates

سابق وزیر خارجہ بلاول بھٹو زرداری کی قیادت میں 9 رکنی اعلیٰ سطحی پارلیمانی وفد 2 سے 3 جون تک نیویارک کا دورہ کرے گا

اتوار 1 جون 2025 02:20

اقوام متحدہ (اُردو پوائنٹ اخبارتازہ ترین - اے پی پی۔ 01 جون2025ء) سابق وزیر خارجہ بلاول بھٹو زرداری کی قیادت میں 9 رکنی اعلیٰ سطحی پارلیمانی وفد 2 سے 3 جون تک نیویارک کا دورہ کرے گا ۔ دورے کے دوران وہ بھارت کے ساتھ حالیہ فوجی جھڑپ پر پاکستان کا نقطہ نظر پیش کرے گا اور اس تنازع کے بارے میں نئی دہلی کی غلط معلومات کی مہم کا مقابلہ کرے گا۔

(جاری ہے)

نیویارک میں اپنے قیام کے دوران، وفد کے ارکان کئی ملاقاتیں کریں گے، جن میں اقوام متحدہ کے سیکرٹری جنرل انتونیو گوتریس، اقوام متحدہ کی جنرل اسمبلی کے صدر، نیز اقوام متحدہ کی سلامتی کونسل کے مستقل اور غیر مستقل ارکان کے سفیروں سے ملاقاتیں ہوں گی۔

ان ملاقاتوں کے علاوہ وفد اقوام متحدہ میں او آئی سی کے ارکان کو بریفنگ بھی دے گا۔دورے کے اختتام پر بلاول بھٹو زرداری دیگر اراکین کے ہمراہ میڈیا کے نمائندوں سے بات چیت کریں گے۔