پاکستان ریلوے کا عید الاضحی پر کراچی سے تین عید اسپیشل ٹرینیں چلانے کا اعلان

اتوار 1 جون 2025 20:20

کراچی(اُردو پوائنٹ اخبارتازہ ترین - این این آئی۔ 01 جون2025ء)پاکستان ریلوے نے عیدالاضحی پر کراچی سیتین عید اسپیشل ٹرینیں چلانے کا اعلان کیا ہے۔ وفاقی وزیر ریلوے محمد حنیف عباسی کی منظوری سے عید الاضحی کے موقع پر کراچی سے تین خصوصی ٹرینیں چلانے کا اعلان کیا گیا ہے، تاکہ عید کے دوران اضافی مسافروں کو بہتر سفری سہولیات فراہم کی جا سکیں۔

(جاری ہے)

ترجمان ریلوے کے مطابق پہلی عید اسپیشل ٹرین 2 جون دوپہر 1 بجے روانہ ہو کر لاہور 3 جون کو پہنچے گی۔

دوسری عید اسپیشل ٹرین 3 جون 2025، رات 7:30 بجے روانہ ہو کر راولپنڈی 5 جون رات 1:15 بجے پہنچے گی۔ترجمان ریلوے نے بتایا کہ تیسری ٹرین 4 جون 2025، رات 7:30 بجے روانہ ہو کر لاہور 5 جون شام 5:30 بجے پہنچے گی۔واضح رہے کہ ان اسپیشل ٹرینوں کے ذریعے عید پر کراچی سے اندرون ملک جانے والے مسافروں کو بڑی سہولت میسر آئے گی۔