Live Updates

قربانی کا جانور لینے جاتے ہیں تو ایسا لگتا ہے جیسے وہ جائیداد کے کاغذات مانگ رہے ہوں، اداکار نعمان اعجازکوطنزیہ بیان پر تنقید کا سامنا

پاکستانی ڈراموں کے سینئر اداکار کو قربانی کے جانوروں کاآئی فون سے موزانہ کرنا مہنگا پڑگیا، سوشل میڈیا صارفین کااداکار کے تبصرے پر سخت ناراضگی کااظہار

فیصل علوی پیر 2 جون 2025 15:22

قربانی کا جانور لینے جاتے ہیں تو ایسا لگتا ہے جیسے وہ جائیداد کے کاغذات ..

لاہور(اردوپوائنٹ اخبار تازہ ترین۔02 جون 2025)پاکستانی ڈراموں کے معروف اداکار نعمان اعجاز کو قربانی کے جانوروں کاآئی فون سے موزانہ کرنا مہنگا پڑگیا، سینئر اداکار ایک بار پھر اپنے طنزیہ بیان کی وجہ سے عوامی تنقید کی زد میں آ گئے، میڈیا رپورٹس کے مطابق اداکار نعمان اعجازنے اپنے سوشل میڈیا اکاونٹ پر لکھا کہ سب کو آئی فون مہنگا لگتا ہے لیکن جب قربانی کا جانور لینے جاتے ہیں تو ایسا لگتا ہے جیسے وہ جائیداد کے کاغذات مانگ رہے ہوں۔

بھائی! ذرا قربانی کا جانور لینے جائیں سیدھے سیدھے جائیداد کے کاغذات مانگ رہے ہیں۔اداکار کی جانب سے اس تبصرے پر سوشل میڈیاصارفین نے سخت ناراضگی کااظہار کیا ہے ۔ ایک صارف نے یاد دلایا کہ یہ سب ترجیحات کی بات ہیں۔ لوگ موبائلز اور برانڈڈ اشیاءپر لاکھوں خرچ کر دیتے ہیں لیکن دینی فریضے پر خرچ کرتے ہوئے انہیں تکلیف ہوتی ہے۔

(جاری ہے)

ایک اورصارف نے غصے میں لکھا کہ آئی فون خریدتے ہوئے تو کوئی نہیں کہتا کہ مہنگا ہے لیکن جب اللہ کے راستے میں خرچ کرنے کی بات آئے تو سب کو مہنگائی یاد آ جاتی ہے؟ ۔

کمنٹ کرتے ہوئے ایک اورصارف نے کہا اگر استطاعت نہیں تو قربانی نہ کریں لیکن جو لوگ قربانی کرتے ہیں ان پر اس طرح کا طنز کرنا مناسب نہیں۔ایک صارف کا کہنا ہے کہ قربانی واجب ہے، آئی فون عیاشی ہے موازنہ ہی فضول ہے۔خیال رہے کہ اس سے قبل بھی مویشی منڈی میں قیمتوں کا حال دیکھ کر عام آدمی کا دل دہل جاتا ہے جہاں جانوروں کی قیمتیں آسمان کو چھو رہی تھیں۔

اسی صورتحال پر معروف اداکار نعمان اعجاز نے طنزیہ تبصرہ کیا تھا۔نعمان اعجاز نے اپنی انسٹاگرام اسٹوری پر مرغی کی ایک تصویر پوسٹ کرتے ہوئے لکھا تھاکہ اگر مویشی منڈی میں مرغی بھی کھڑی ہو جائے تو بیوپاری اس کے بھی ایک لاکھ مانگ لیں گے۔پاکستانی ڈراموں کے سینئر اداکار نعمان اعجاز کا یہ تبصرہ نہ صرف بیوپاریوں کی من مانی قیمتوں پر روشنی ڈالتا تھا بلکہ اس بڑھتی ہوئی مہنگائی کے خلاف عوام کی بے بسی اور مایوسی کو بھی اجاگر کرتا تھا۔ نعمان اعجاز پاکستان کے مایہ ناز اداکار ہیں جنہوں نے کئی مشہور ڈراموں میں اپنی اداکاری کے جوہر دکھائے تھے۔ وہ اپنے برجستہ تبصروں اور سماجی معاملات پر طنزیہ بیانات کیلئے بھی شہرت رکھتے تھے۔