Live Updates

محسن نقوی کی زیر صدارت اجلاس،مستقبل کی کرکٹ سیریز کے حوالے سے تیاریوں کا جائزہ،سنٹرل کنٹریکٹ پر کامٴْ شروع کرنے کی ہدایت

پیر 2 جون 2025 22:50

لاہور(اُردو پوائنٹ اخبارتازہ ترین - این این آئی۔ 02 جون2025ء)چیئرمین پاکستان کرکٹ بورڈ محسن نقوی کی زیر صدارت قذافی سٹیڈیم میں اہم اجلاس منعقد ہوا۔ اجلاس میں مستقبل کی کرکٹ سیریز کے حوالے سے تیاریوں کا جائزہ لیا گیا جبکہ شاہینز ٹیم کی کرکٹ سیریز کے شیڈول و تیاریوں کا بھی جائزہ لیا اور سنٹرل کنٹریکٹ پر کامٴْ شروع کرنے کی ہدایت کی گئی۔پاکستانی ٹیم کی جنوبی افریقہ اور سری لنکا کے خلاف ہوم سیریز اور دورہ ویسٹ انڈیز اور بنگلہ دیش کی تیاریوں پر بریفنگ بھی دی گئی۔

(جاری ہے)

اجلاس میں فیصلہ کیا گیا کہ پاکستان کے تمام انٹرنیشنل کرکٹرز ایک ڈومیسٹک ٹورنامنٹ لازمی کھیلیں گے۔ چیئرمین پی سی بی محسن نقوی نے کہا کہ انٹرنیشنل کرکٹرز کے ساتھ کھیلنے سے ڈومیسٹک پلئیرز کی گرومنگ ہو گی۔ڈومیسٹک کرکٹ کا مضبوط ڈھانچہ ہی بہترین کرکٹرز کو آگے لا سکتا ہے۔ڈومیسٹک کرکٹرز سے ہی انٹرنیشنل کرکٹرز کا اچھا بیک اپ ملے گا۔ڈائریکٹر انٹرنیشنل کرکٹ عثمان واہلہ نے آئندہ کرکٹ سیریز کے بارے بریفنگ دی۔ہیڈ کوچ مائیک ہیسن۔ چیف آپریٹنگ آفیسر سمیر احمد۔ مینجر نوید اکرم چیمہ۔ڈائریکٹر انٹرنیشنل کرکٹ عثمان واہلہ۔ ڈائریکٹر ہائی پرفارمنس سنٹرز عاقب جاوید اور کپتان سلمان آغا نے اجلاس میں شرکت کی۔