بھارت، بنگلورو میں آئی پی ایل کی جیت کے جشن میں بھگدڑ مچنے سے متعدد افراد ہلاک

بھارتی میڈیا کے مطابق ہلاک ہونے والوں میں خواتین اور ایک بچہ بھی شامل ہے

ذیشان مہتاب بدھ 4 جون 2025 17:41

بھارت، بنگلورو میں آئی پی ایل کی جیت کے جشن میں بھگدڑ مچنے سے متعدد ..

بنگلورو (اردو پوائنٹ تازہ ترین اخبار ۔ 4 جون 2025ء ) بھارت کے شہر بنگلورو میں آئی پی ایل جیت کے جشن میں بھگدڑ مچنے سے متعدد افراد ہلاک ہو گئے۔

بھارتی میڈیا کے مطابق شائقین آئی پی ایل میں رائل چیلنجر بنگلورو کی فتح کا جشن منانے کیلئے جمع تھے کہ اچانک بھگدڑ مچ گئی جس کے نتیجے میں متعدد افراد ہلاک ہو گئے۔

بھارتی میڈیا کے مطابق ہلاک ہونے والوں میں خواتین اور ایک بچہ بھی شامل ہے۔

At least seven persons have been killed in a stampede that broke out in Bengaluru, during #RCB's IPL victory celebrations.

Read more: https://t.co/4mjIzwWlpo pic.twitter.com/pykB3eNkPm
— NDTV Profit (@NDTVProfitIndia) June 4, 2025

واضح رہے کہ انڈین پریمیئر لیگ (آئی پی ایل) کے 18 ویں ایڈیشن میں ویرات کوہلی کی ٹیم رائل چیلنجرز بنگلور نے پہلی بار ٹرافی اپنے نام کی۔

فائنل میچ میں بنگلور کی ٹیم نے پنجاب کنگز کو چھ رنز سے شکست دے دی ۔

نریندر مودی سٹیڈیم احمد آباد میں کھیلے گئے میچ میں بنگلور کی ظرف سے دیے گئے 191 رنز کے ہدف کے تعاقب میں پنجاب کی ٹیم مقررہ 20 اوورز میں سات وکٹوں کے نقصان پر 184 رنز ہی بنا پائی۔

(جاری ہے)