پنجاب پولیس کا بجلی چوروں کیخلاف کریک ڈاون جاری

منگل 3 جون 2025 10:50

لاہور (اُردو پوائنٹ اخبارتازہ ترین - اے پی پی۔ 03 جون2025ء) وزیر اعلی پنجاب مریم نواز شریف کی ہدایت پرپنجاب پولیس کا بجلی چوروں کے خلاف کریک ڈاون جاری ہے۔رواں سال اب تک لاہور سمیت صوبہ بھر میں بجلی چوروں کے خلاف 45928 مقدمات درج کئے گئے ہیں۔

(جاری ہے)

ترجمان پنجاب پولیس کے مطابق لاہور سمیت صوبہ بھر سے بجلی چوری میں ملوث 30851 ملزمان کو گرفتار کیا گیا، بجلی چوری کے 28126 مقدمات چالان مکمل ہوئے۔قومی خزانے کو نقصان پہنچانے والے 1977 ملزمان کو سزائیں اور جرمانے کروائے گئے،صوبائی دارالحکومت لاہور میں بجلی چوری کے 11523 مقدمات درج، 14046 بجلی چور گرفتار کئے۔بجلی چوروں کے خلاف مہم کے آغاز سے اب تک 2 لاکھ 13 ہزار 465 مقدمات درج، 1 لاکھ 91 ہزار سے زائد ملزمان گرفتار کیے جا چکے ہیں۔