Live Updates

صوبہ بلوچستان کے احساس محرومی کو ختم کیا جائے، وفاقی وزیرپیر سید عمران احمد شاہ

بدھ 4 جون 2025 17:42

ساہیوال (اُردو پوائنٹ اخبارتازہ ترین - اے پی پی۔ 04 جون2025ء) وفاقی وزیر برائے تخفیف غربت و سماجی بہبود پیر سید عمران احمد شاہ سے پاکستان پاورٹی ایلولیشن فنڈ (PPAF) کے چیف ایگزیکٹو آفیسر نادر گل دریج کے ہمراہ دو رکنی وفد نے ملاقات کی۔ ملاقات میں باہمی دلچسپی کے امور کے علاوہ ادارے کی کارکردگی اور دیگر معاملات پر تفصیلی تبادلہ خیال کیا گیا۔

اس موقع پر نادر گل دریج نے بتایا کہ ہمارے ادارے کاہر سال آڈٹ ہوتا ہے۔

(جاری ہے)

انہوں نے کہا کہ ادارے کے اخراجات میں نمایاں کمی کرکے ڈاون سائزنگ کے ذریعہ 80 افراد کو گولڈن شیک ہینڈ دیا۔ اس موقع پر وفاقی وزیر برائے تخفیف غربت و سماجی بہبود پیر سید عمران احمد شاہ نے کہا کہ موجودہ حکومت کی کوشش ہے کہ دیگر صوبوں کے ساتھ ساتھ صوبہ بوچستان کی احساس محرومی کو ختم کرنا ہے۔ انہوں نے ہدایت کی کہ ادارے کے اندر ایسی اصلاحات بروئے کار لائی جائیں جس سے عام آدمی کو زیادہ سے زیادہ فائدہ پہنچ سکے۔پیر سید عمران احمد شاہ نے ادارہ کو مزید فعال اور کارکردگی کو مزید بہتر بنانے پر زور دیا۔\378