نو لُک شاٹ پر ہونیوالی تنقید پر صائم ایوب بھی بول اُٹھے، مزاحیہ واقعہ سوشل میڈیا پر وائرل

اپنی نو لُک شاٹ پر ہونیوالی تنقید کو کبھی منفی انداز میں نہیں لیا، یہ لوگوں کے پیار دکھانے کا طریقہ، یہی سٹروک میری انٹرنیشنل کرکٹ میں پہچان کا سبب بھی بنا : جارح مزاج اوپنر

ذیشان مہتاب پیر 9 جون 2025 12:00

نو لُک شاٹ پر ہونیوالی تنقید پر صائم ایوب بھی بول اُٹھے، مزاحیہ واقعہ ..

لاہور (اردو پوائنٹ تازہ ترین اخبار ۔ 9 جون 2025ء ) قومی ٹیم کے نوجوان اوپنر صائم ایوب بھی اپنے نو لُک شاٹ پر ہونیوالی تنقید پر بول اُٹھے۔

پاکستان کرکٹ بورڈ (پی سی بی) کی جانب سے یوٹیوب پر جاری کردہ خصوصی عید شو کے دوران گفتگو کرتے ہوئے جارح مزاج اوپنر صائم ایوب نے ہوسٹ محمد حارث کے ساتھ مزاحیہ واقعہ شیئر کیا جو سوشل میڈیا پر وائرل ہوگیا۔

(جاری ہے)

بائیں ہاتھ کے بلے باز بتایا کہ انجری کے بعد قومی ٹیم اور پاکستان سپر لیگ (پی ایس ایل) میں واپسی ہوئی تو فارم میں نہیں تھا، ایسے میں ایک میسج آیا، اس پیغام میں لکھا تھا کہ نو لُک شاٹ کی طرح کہیں نہ نظر آنے والا کھانا بھی کھا رہے ہیں کیونکہ اب چھکے نہیں لگ رہے؟۔

صائم ایوب نے کہا کہ مجھے اس میسج پر غصہ نہیں آیا بلکہ خوب ہنسی آئی۔

انہوں نے کہا کہ ہمارے لوگ ہمیں محبت اور سپورٹ کرتے ہیں، انہیں فکر ہوتی ہے اور بات کرتے ہیں، اس لیے ایسی باتوں پر ناراض نہیں ہوتا بلکہ اُسے مثبت انداز میں لیتا ہوں۔

جارح مزاج اوپنر نے کہا کہ میں نے اپنے نو لُک شاٹ پر ہونیوالی تنقید کو کبھی منفی انداز میں نہیں لیا، یہ لوگوں کے پیار دکھانے کا طریقہ ہے اور یہی اسٹروک میری انٹرنیشنل کرکٹ میں پہنچان کا سبب بھی بنا ہے۔