Live Updates

اگنی ویر اسکیم ناکام، بھارتی جوانوں میں مایوسی پھیل گئی

بھارتی فوج کا اگنی ویر آکاش دیپ سنگھ ڈیوٹی کے دوران گولی لگنے سے ہلاک ہوا، اہلخانہ کا شہید کا درجہ نہ ملنے پر راکھ بہانے سے انکار

منگل 10 جون 2025 13:43

نئی دہلی (اُردو پوائنٹ اخبارتازہ ترین - این این آئی۔ 10 جون2025ء)بھارت میں اگنی ویر اسکیم ناکام اور اس کے نتیجے میں جوانوں میں مایوسی پھیلتی جا رہی ہے۔بھارتی فوج کا اگنی ویر آکاش دیپ سنگھ ڈیوٹی کے دوران گولی لگنے سے ہلاک ہوا، جسے شہید کا درجہ نہ ملنے پر خاندان نے احتجاجاً راکھ بہانے سے انکار کر دیا ہے۔3 ہفتے گزرنے کے باوجود آکاش دیپ کی راکھ گھر میں محفوظ ہے جب کہ خاندان کا احتجاج جاری ہے۔

اگنی ویر آکاش دیپ سنگھ کے والد بلوندر سنگھ کا مؤقف ہے کہ بیٹے نے ملک کے لیے جان دی ہے، لہٰذا اسے شہید کا درجہ دیا جائے۔ آکاش دیپ کے خاندان کا مطالبہ ہے کہ انصاف دو، ورنہ راکھ نہیں بہائیں گے۔اگنی ویر آکاش دیپ سنگھ کا فوجی بننے کا خواب دیکھنے والا چھوٹا بھائی، اپنے بڑے بھائی کی لاوارث موت سے مایوس ہو چکا ہے۔

(جاری ہے)

آکاش دیپ سنگھ کی موت نے ہندوؤں میں سکھوں کیخلاف تعصب کو عیاں کر دیا ہے۔

اسکیم کے تحت مرنے والے بھارتی اہلکاروں خصوصاً سکھوں کو مکمل مراعات نہیں دی جاتیں۔ بھارت میں سوشل میڈیا پر اگنی ویر اسکیم کے خلاف اب آوازیں بلند ہونا شروع ہو گئی ہیں۔ شہادت کا درجہ صرف 4 سالہ سروس مکمل کرنے والوں کو ملتا ہے۔ بھارتی فوج میں اگنی ویر کی موت پر مکمل اعزاز کا فقدان ہونے سے عوام میں تشویش پائی جا رہی ہے اور بھارتی فوج میں شارٹ ٹرم بھرتی اسکیم کو انسانی حقوق کی پامالی کہا جا رہا ہے۔