Live Updates

تہذیبوں کے درمیان مکالمہ ہی امن، ترقی اورانسانیت کا راستہ ہے‘ مریم نواز

پاکستان ایک پُرامن ملک ہے جو ہمیشہ مکالمے، رواداری اور باہمی احترام کا داعی رہا ہے‘عالمی دن پر پیغام

منگل 10 جون 2025 13:51

تہذیبوں کے درمیان مکالمہ ہی امن، ترقی اورانسانیت کا راستہ ہے‘ مریم ..

لاہور(اُردو پوائنٹ اخبارتازہ ترین - این این آئی۔ 10 جون2025ء) وزیراعلیٰ پنجاب مریم نواز شریف نے کہا ہے کہ تہذیبوں کے درمیان مکالمہ ہی امن، ترقی اور انسانیت کا راستہ ہے۔

(جاری ہے)

تہذیبوں کے درمیان مکالمے کے عالمی دن پر اپنے پیغام میں وزیراعلیٰ پنجاب نے کہا ہے کہ تہذیبوں کے درمیان مکالمہ ہی امن، ترقی اور انسانیت کا راستہ ہے، احترام و برداشت کا کلچر جنگ و نفرت کا مؤثر جواب ہے، پاکستان ایک پُرامن ملک ہے جو ہمیشہ مکالمے، رواداری اور باہمی احترام کا داعی رہا ہے۔

مریم نواز شریف نے مزید کہا کہ ہم سب کو مکالمے کی روح سمجھنا ہوگا اوراختلاف کو دشمنی سمجھنے کا رویہ ترک کرنا ہوگا، سرزمین فلسطین اور کشمیرمیں جاری مظالم کا واحد پائیدار حل بامعنی ڈائیلاگ سے ہی ممکن ہے، بین الاقوامی برادری کو فیصلہ کرنا ہوگا کہ کیا ہم بچوں کی لاشیں اٹھاتے رہیں گے یا بات چیت سے امن کا راستہ چنیں گے۔