کشمیری عوام پاکستان کیساتھ اپنی نظریاتی وابستگی کو کبھی کمزور نہیں ہونے دیں گے ،سردار عتیق

مظفرآباد /دھیرکوٹ(اُردو پوائنٹ اخبارتازہ ترین - این این آئی۔ 10 جون2025ء) آل جموں و کشمیر مسلم کانفرنس کے صدر و سابق وزیر اعظم سردار عتیق احمد خان نے کہاہے کہ کشمیری عوام پاکستان کے ساتھ اپنی نظریاتی وابستگی کو کبھی کمزور نہیں ہونے دیں گے اور ہر محاذ پر وطنِ عزیز کا دفاع کریں گے۔پاکستان کی دفاعی صلاحیت ناقبل تسخیر ہے۔کشمیر کی وادی میں کشمیری عوام کو بھارتی فورسز کی جانب سے بدترین مظالم کا سامنا ہے۔

مسلم کانفرنس میں نئے شامل ہونے والوں کوخوش آمدید کہتے ہوئے سردار عتیق نے کہا کہ مسلم کانفرنسی کارکنان اپنی صفوں میں اتحاد برقرار رکھیں اور مایوس نہ ہوں، مسلم کانفرنس حال ماضی اور مستقبل کی جماعت ہے جس کی جڑیں عوام میں موجود ہیں۔ مسلم کانفرنس کو کمزور کرنے والے آج رسوا ہورہے ہیں۔

(جاری ہے)

انہوں نے کہا کہ مسلم کانفرنسی کارکنان اپنی ذمہ داریوں کو پورا کریں۔

بھارتی فورسز کے ہاتھ وادی کشمیر کے معصوم بچوں، بھائیوں اور بہنوں کے خون سے رنگے ہوئے ہیں۔ انہوں نے مقبوضہ کشمیر میں انسانی حقوق کی سنگین خلاف ورزیوں کا ذکر کرتے ہوئے کہا کہ مقبوضہ کشمیر کے عوام کو بھارتی آئین میں حاصل جغرافیائی حیثیت کو تبدیل کر کے کشمیری عوام کو اپنی شناخت سے محروم کرنا عالمی قوانین کی سنگین خلاف ورزی ہے۔دریں اثناء صدرمسلم کانفرنس سے غازی آباد میں عیدالاضحی کے موقع پر سردار ساجد رزاق، آصف مجید، سردار اورنگزیب، راجہ یاسر،جنید سلطان ،یونین کونسل رنگہ سے راجہ خورشید حمید کی قیادت میں وفد نے ملاقات کی چورہ رنگلہ میں برقیات کے ٹرانسفارمر کے حوالے سے صدرمسلم کانفرنس کو آگاہ کیا ۔

صدرمسلم کانفرنس نے وارڈ چورہ رنگلہ کیلئے نئے ٹرانسفارمر کے حوالے سے محکمہ کوہدایات بھی جاری کیں۔بعدازاں ان سے سرار عرفان عباسی، ڈسٹرکٹ کونسلر سردار ملک امان، سردار زاہد حسین عباسی،سردسار شفقت افراسیاب عباسی، سردار صداقت عباسی،راجہ مصطفی، سینئرمسلم کانفرنسی رہنما سیدخالد گیلانی، شیخ مقصود احمد، سجاد انور عباسی، راجہ مسعود، وحید مغل،پیر سید بصیر گردیزی، سردارلعل خان، سردارالماس عباسی، راجہ امتیاز خان، سردارفیضان عباسی،راجہ ضیاء الرحمان،،یونین کونسل چوڑ سے وائس چیئرمین راجہ محمدسلیم خان،راجہ محمدمشتاق خان، راجہ محمدیٰسین کے علاوہ یونین کونسل ملوٹ،یونین کونسل رینگولی، یونین کونسل ملوٹ جوڑ ،پارنی بلاں، کالا کھیتراور د یگرعلاقوں سے کارکنان نے ملاقاتیں کیں۔