پنوعاقل، گائوں چونگھا شریف میں نامعلوم افراد نے زمیندار کے کھجور کے باردانہ میں آگ لگا دی

منگل 10 جون 2025 20:30

پنوعاقل(اُردو پوائنٹ اخبارتازہ ترین - این این آئی۔ 10 جون2025ء) نواحی گائوں چونگھا شریف میں نامعلوم مسلح افراد نے کھجور کے باردانہ کو آگ لگا دی، باردانہ جل کر خاکستر، لاکھوں روپوں کا نقصان، پولیس کو بروقت اطلاع، علاقہ میں خوف و ہراس پھیل گیا۔

(جاری ہے)

تفصیلات کے مطابق پنوعاقل بائیجی شریف تھانہ کی حدود میں واقع نواحی گاں چونگھا شریف میں نامعلوم افراد نے معزز زمیندار وڈیرو اصغر خان کلہوڑو عباسی اور وڈیرو عبدالحمید خان کلہوڑو عباسی کے کھجور کے باغ میں رکھے ہوئے باردانہ کو آگ لگا دی ہے بعدازاں کھجور کا باردانہ تقریب 14000 ہزار بتایا جا رہا ہے متاثرین کی جانب سے پولیس کو واقع کی اطلاع بروقت دی گئی پولیس نے جائے وقوع پر پہنچ کر معائنہ کیا اور نامعلوم مسلح افراد کے پیروں کے نشانات کچے کی طرف جا رہے ہیں ذرائع کے مطابق مقامی افراد کے ملوث ہونے کا خدشہ پایا جا رہا ہے رابطہ کرنے پر معزز شخصیت وڈیرو اصغر خان کلہوڑو عباسی نے میڈیا کو بتایا کہ ہمارے ساتھ زیادتی ہوئی ہے انہوں نے ایس ایس پی سکھر اظہر خان مغل و ڈی آئی جی سکھر سمیت اعلی حکام سے نوٹس لینے کا مطالبہ کرتے ہوئے فوری طور پر ملزمان کی گرفتاری کرکے FIR درج کی جائے۔