نوشہرہ ورکاں ،مسافر گاڑیوں میں اوور لوڈنگ،چھتوں پر اور درمیان میں اضافی نشستوں پر سخت کارروائی کی جائے،ڈپٹی کمشنر

بدھ 11 جون 2025 12:27

نوشہرہ ورکاں (اُردو پوائنٹ اخبارتازہ ترین - اے پی پی۔ 11 جون2025ء) وزیراعلیٰ پنجاب مریم نواز شریف اور چیف سیکرٹری پنجاب کی خصوصی ہدایات پرتمام ادارے بلخصوص ٹریفک پولیس، ریجنل ٹرانسپورٹ حکام نیشنل ہائی ویز و موٹروے پولیس، پیٹرولنگ پولیس مسافرگاڑیوں میں اوورلوڈنگ، چھتوں پر مسافر بٹھانے، ایکسل لوڈ، گاڑیوں کی فٹنس، روٹ پرمٹ، پبلک ٹرانسپورٹ میں ایل پی جی گیس سلنڈرز کے استعمال کی سختی سے روک تھام یقینی بنائیں۔

ڈپٹی کمشنر گوجرانوالہ نوید احمد نے کہا ہے کہ انسانی جانوں سے زیادہ کوئی چیز قیمتی نہیں اس میں کسی بھی قسم کی کوتاہی و غفلت نہ بڑتی جائے۔تمام ادارے مربوط کوارڈینیشن سے کام کریں اور ٹریفک قوانین سمیت ریگولیشن اور حکومتی رٹ کے نفاذ کو یقینی بنائیں۔

(جاری ہے)

ان خیالات کا اظہار ڈپٹی کمشنر گوجرانوالہ نوید احمد نے ٹرانسپورٹرز،ٹریفک پولیس،ریجنل ٹرانسپورٹ اتھارٹی،ایکسائز پولیس اور دیگر متعلقہ محکموں کے افسران و نمائندوں کے خصوصی اجلاس سے خطاب کرتے ہوئے کیا۔

ڈپٹی کمشنر نے کہا کہ مسافر گاڑیوں میں اوور لوڈنگ،چھتوں پر اور درمیان میں اضافی نشستوں پر سخت کاروائی کی جائے،اس کے علاوہ تمام مسافر گاڑیوں کے ٹائر،بریک اور فٹنس سرٹیفیکیٹس کو چیک کریں،چنگ چی رکشوں اور دیگر مسافر گاڑیوں میں ایل پی جی گیس سلڈرز کے استعمال، کم عمر ڈرائیورز، بغیر ہیلمٹ،بغیر رجسٹریشن اور بغیر لائسنس کے چلنے والی گاڑیوں کے خلاف بھرپور مہم کا آغاز کیا جائے جس میں نیشنل ہائی ویز، موٹروے پولیس، پیٹرولنگ پولیس، ٹریفک پولیس، ریجنل ٹرانسپورٹ اتھارٹی بھرپور حصہ لیں۔

انہوں نے کہا کہ گذشتہ دنوں چھت پر مسافر بٹھانے اور اوور لوڈنگ سے ایک افسوس ناک حادثہ رونما ہوا، جس میں قیمتی انسانی جانوں کے ضیاع سمیت متعدد مسافر زخمی ہوئے۔مستقبل میں ایسے حادثات کی روک تھا م کے لیے موئثر اقدامات کرنے کی ضرورت ہے۔\378