Live Updates

جموں کے سرحدی علاقوں میں ولیج ڈیفنس گارڈز کو جنگی بنیادوں پر تربیت دی جارہی ہے،بی ایس ایف

بدھ 11 جون 2025 15:47

جموں (اُردو پوائنٹ اخبارتازہ ترین - اے پی پی۔ 11 جون2025ء) بھارت کے غیرقانونی زیر تسلط جموں وکشمیرمیں بھارتی پیراملٹری بارڈر سکیورٹی فورس (بی ایس ایف)نے سانبہ سمیت جموں کے سرحدی اضلاع میں نام نہاد ولیج ڈیفنس گارڈز (وی ڈی جیز) جو آزادی پسند مسلمان شہریوں کو قتل کرنے میں ملوث ہے، کے لئے خصوصی تربیتی پروگرام کا انعقاد کیا۔

(جاری ہے)

کشمیر میڈیا سروس کے مطابق کنٹرول لائن اور ورکنگ بائونڈری کے علاقوں میں جنگی پیمانے پر جاری تربیتی پروگرام میں آزادی پسندوں کی شناخت اور انہیں ختم کرنے پرتوجہ مرکوز کی جارہی ہے جس طرح ماضی میں نام نہاد دیہی دفاعی کمیٹیاں کرتی رہی ہیں۔

بارڈر سکیورٹی فورس کے ایک عہدیدارنے بتایا کہ بی ایس ایف کی ٹیموں نے جموں کے ارنیہ اور گدکھل سیکٹروں میں بھی وی ڈی جیز کو اسی طرح کی تربیت دی ہے۔عہدیدارنے بتایا کہ وی ڈی جیزکو آتشیں اسلحے چلانے اور نگرانی کے طریقہ کار کی ضروری تربیت دی گئی۔واضح رہے کہ وی ڈی جیز میں شامل زیادہ تر افراد آر ایس ایس جیسی ہندوتوا تنظیموں کے کارکن ہیں۔