Live Updates

وزیر مملکت برائے داخلہ طلال چوہدری کی سپین کے وزیر داخلہ سے ملاقات، باہمی تعاون پر تبادلہ خیال

بدھ 11 جون 2025 22:56

میڈرڈ (اُردو پوائنٹ اخبارتازہ ترین - اے پی پی۔ 11 جون2025ء) وزیر مملکت برائے داخلہ طلال چوہدری نے سپین کے وزیر داخلہ سے ملاقات کی جس میں باہمی تعاون پر تبادلہ خیال کیا گیا۔ ایکس پر اپنی پوسٹ میں ملاقات کا ذکر کرتے ہوئے طلال چوہدری نے کہا کہ سپین کے وزیر داخلہ مرلاسکا گرینڈی سے ملاقات انتہائی خوشگوار رہی۔

(جاری ہے)

انہوں نے کہا کہ ملاقات میں ہم نے پولیس کے باہمی تعاون، نقل مکانی اور دہشت گردی کے خلاف جنگ سمیت مشترکہ دلچسپی کے امور پر تبادلہ خیال کیا۔

وزیر مملکت برائے داخلہ نے کہا کہ سپین میں مقیم پاکستانی تارکین وطن دونوں ممالک کے مابین دو طرفہ تعلقات کے لئے بھرپور ذریعہ ہیں اور وہ سپین اور پاکستان کی معیشت کے فروغ میں مثبت کردار ادا کر رہے ہیں۔ وزیر مملکت طلال چوہدری نے کہا کہ انہوں نے وزیر داخلہ محسن نقوی کی طرف سے سپین کے وزیر داخلہ کو پاکستان کے دورے کی بھی دعوت دی۔