Live Updates

اسرائیل کے غیر ذمہ دارانہ اقدام سے خطے کا استحکام مزید خطرے میں پڑ گیا ہے ،وزیراعظم شہبازشریف کا پیغام

جمعہ 13 جون 2025 14:10

اسلام آباد (اُردو پوائنٹ اخبارتازہ ترین - اے پی پی۔ 13 جون2025ء) وزیراعظم محمد شہبازشریف نے اسرائیل کے ایران پربلا اشتعال حملے کی شدید مذمت کرتے ہوئے کہا ہے کہ یہ غیر ذمہ دارانہ اقدام انتہائی تشویشناک ہے اور اس سے خطے کا استحکام مزید خطرے میں پڑ گیا ہے ۔

(جاری ہے)

جمعہ کو ’’ایکس ‘‘پر اپنے پیغام میں وزیراعظم نے حملے میں قیمتی جانوں کے ضیاع پر ایرانی عوام کے ساتھ دلی ہمدردی کا اظہار کیا ۔ انہوں نے بین الاقوامی برادری اور اقوام متحدہ پر زور دیا کہ وہ مزید کشیدگی کو روکنے کے لئے فوری اقدامات کریں کیونکہ اس سے علاقائی اور عالمی امن خطرے میں پڑ سکتا ہے ۔\932