Live Updates

پاکستان کو سنجیدہ حکمت عملی اپنانی ہوگی، اسد قیصر

ہم اپنے ایرانی بھائیوں کے ساتھ ہیں، بھارت نے جب پاکستان پر حملہ کیا تو ہتھیار اسرائیلی ساختہ تھے،رہنما تحریک انصاف

ہفتہ 14 جون 2025 16:54

پاکستان کو سنجیدہ حکمت عملی اپنانی ہوگی، اسد قیصر

اسلام آباد (اُردو پوائنٹ اخبارتازہ ترین - این این آئی۔ 14 جون2025ء)پاکستان تحریک انصاف کے رہنما اسد قیصر نے کہا ہے کہ پاکستان کو سنجیدہ حکمت عملی اپنانی ہوگی۔اجلاس میں اظہار خیال کرتے ہوئے ایران پر اسرائیلی حملے کی مذمت کرتے ہیں، ہم اپنے ایرانی بھائیوں کے ساتھ ہیں، بھارت نے جب پاکستان پر حملہ کیا تو ہتھیار اسرائیلی ساختہ تھے، پاکستان کو سنجیدہ حکمت عملی اپنانی ہو گی۔

انہوں نے کہا کہ او آئی سی اجلاس بلانے کے لیے پاکستان اپنا کردار ادا کرے، خواجہ آصف صاحب اپنی تقریر کر کے چلے گئے، انہوں نے اشاروں کنایوں میں ہم پر تنقید کی، جب پلواما حملہ ہوا تو اس وقت کے وزیراعظم نے پارلیمنٹ میں بھارت کو دو ٹوک جواب دیا۔اسد قیصر نے کہا کہ ہمارے لیڈر کے ساتھ ساری قوم ہے، آپ فارم 47 کی پیداوار ہیں، موجودہ حکومت میں کسان تو تباہ ہوگئے، حکومت کے ایجنڈے میں کسان تو ہے ہی نہیں، کسانوں کے مسائل پر مریم نواز نے خود کو لاتعلق رکھنا ہے، آئندہ انتخابات میں پتا چل جائے گا کہ کسان آپ کا کیا حال کرتا ہے۔

(جاری ہے)

انہوں نے کہا کہ این ایف سی ایوارڈ کے مطابق ہر صوبے کا ایک شیئر مقرر ہے، آپ ہمارا شیئر نہیں دے رہے، نیٹ ہائیڈل پرافٹ نہیں دیا جاریا، عید کے دنوں میں 24 گھنٹے میں سے 2 گھنٹے بجلی میسر تھی، بجلی کا وولٹیج انتہائی کم ہوتا ہے جب کہ خیبرپختونخوا کی ریکوری 91 فیصد ہے، پی ایس ڈی پی میں خیبرپختونخوا کے لیے 55 کروڑ روپے رکھے گئے ہیں۔رہنما پی ٹی آئی نے کہاکہ خواجہ آصف نے تمباکو کے حوالے سے بات کی، ہم تمباکو کے کاشتکاروں کی بات کرتے ہیں، انڈسٹری کی بات نہیں کرتے، ٹوبیکو بورڈ کو انہوں نے غیر فعال کر دیا ہے، ابھی تک وفاقی حکومت نے کوئی قیمت کا تعین نہیں کیا، میرا تمباکو کے ساتھ کوئی تعلق نہیں، میں لوگوں کا نمائندہ ہوں۔