ْ حزب اللہ و حماس کی حمایت قبلہ ائول کی آزادی ایران کی خواہش، ایمانی غیرت کا مظہر قرار

اسرائیلی مصنوعات کے بائیکاٹ کو مسلمانوں کی بنیادی دینی ذمہ داری قرار دیا گیااسرائیل کی مثال دراڑ جیسی، جو صرف مسلم اتحاد سے مٹ سکتی ہے تل ابیب میں عمارتیں گرنے پر عالمی واویلا، فلسطینی بچوں کی چیخیں کیوں نہ سنیں امام کعبہ کے خطبہ حج میں ظالموں کی تباہی کی دعا اب اثر دکھا رہی ہے وزیردفاع خواجہ آصف کا اسمبلی فورم پرخطاب قومی غیرت کا مظہرہے میجر (ر) گل زمان خان اعوان سینٹرل سیکرٹری ویلفیئر پاکستان ایکس سروس مین سوسائٹی

اتوار 15 جون 2025 14:55

مظفر آباد (اُردو پوائنٹ اخبارتازہ ترین - این این آئی۔ 15 جون2025ء)سینٹرل سیکرٹری ویلفیئر پاکستان ایکس سروس مین سوسائٹی میجر (ریٹائرڈ) گل زمان خان اعوان نے قراردیا ہے کہ پاکستان کی جانب سے اسرائیل کی مذمت اور ایران کی فلسطین سے اظہار یکجہتی،قبلہ ائول کی آزادی کی ترجیحات کے تناظرمیں وزیردفاع کے خطاب کے تمام نکات قومی غیرت کا مظہرہیں ۔اسرائیل اور اُسکے حامی قبلہ اول کی آزادی اور فلسطینیوں کی کھل کر مدد، بالخصوص حزب اللہ کی واضح اور حماس کی پوشیدہ حمایت کیوجہ سے آج ایران پرحملہ آور ہیں ۔

انہوں نے کہا کہ جو لوگ اسرائیلی مصنوعات استعمال کرتے ہیں، وہ دراصل مظلوموں کے لہو پر تجارت کرتے ہیں اور غیرتِ ایمانی سے کوسوں دور ہیں۔ ان کے ضمیر مردہ ہو چکے ہیں، انہیں بچوں، عورتوں اور بزرگوں کی آہیں اور چیخیں سنائی نہیں دیتیں۔

(جاری ہے)

میجر گل زمان نے اسرائیل کی حقیقت کو ایک دیوار میں پڑی دراڑ سے تشبیہ دیتے ہوئے کہا کہ اگر مسلم ممالک غیرت اور جراء ت کا مظاہرہ کرتے تو یہ ناجائز وجود کب کا مٹ چکا ہوتا۔

انہوں نے تنقید کرتے ہوئے کہا کہ آج تل ابیب میں جب عمارتیں گر رہی ہیں، تو دنیا کو چیخ و پکار سنائی دے رہی ہے، لیکن جب فلسطین میں معصوم بچے، مائیں اور بزرگ خاک و خون میں تڑپتے تھے، تب ان کا درد کسی کو کیوں محسوس نہ ہوا انہوں نے امام کعبہ کے خطبہ حج کا حوالہ دیتے ہوئے کہا کہ جب امام نے دعا کی کہ ''اللہ بدعات کو مٹائے اور ظالموں کو تباہ کری''، تو وہ دعا اب پوری ہوتی نظر آ رہی ہے۔

اسرائیل پر نازل ہوتی تباہی اسی دعا کا اثر ہے۔میجر (ر) گل زمان نے کہا کہ آج بھی ایران جس ایمانی حوصلے کے ساتھ مظلوموں کی مدد کر رہا ہے، وہ پوری امت مسلمہ کے لیے ایک آئینہ ہے۔ ایران تنہا نہیں بلکہ مظلوموں کے ساتھ کھڑا ہے، جبکہ پچاس سے زائد مسلم ممالک کی خاموشی ان کے ننگِ ایمان ہونے کا ثبوت ہے۔انہوں نے مسلمانوں سے اپیل کی کہ وہ اسرائیلی مصنوعات کا مکمل بائیکاٹ کریں، مظلوموں کی حمایت میں آواز بلند کریں اور حق و باطل کی اس جنگ میں کھل کر مظلوم فلسطینیوں کے ساتھ کھڑے ہوں۔