Live Updates

ہمیں اسرائیل جیسی کینسر پھیلانے والی رجیم کو ختم کرنا ہوگا، ایرانی وزارت خارجہ

یہ جنگ ایران کے خلاف نہیں بلکہ انسانیت کے خلاف ہے،عالمی برادری روکے،ترجمان

پیر 16 جون 2025 17:10

تہران (اُردو پوائنٹ اخبارتازہ ترین - این این آئی۔ 16 جون2025ء)ترجمان ایرانی وزارت خارجہ نے کہا ہے کہ ہمیں اسرائیل جیسی کینسر پھیلانے والی رجیم کو ختم کرنا ہوگا۔پیر کو تہران میں پریس بریفنگ کے دوران ترجمان ایرانی وزارت خارجہ نے کہا کہ ہمیں امید ہے کہ دنیا اس جنگ کی درست سمت میں کھڑی ہوگی۔

(جاری ہے)

انہوں نے کہا کہ ایران تمام مسلم ممالک کے ساتھ رابطے میں ہے، عالمی برادری اسرائیل پر حملے روکنے کیلیے دبا ئوڈالے، یہ جنگ ایران کے خلاف نہیں بلکہ انسانیت کے خلاف ہے۔

ترجمان کا کہنا تھا کہ صیہونی ریاست اب بھی ایران میں شہریوں کا قتل عام جاری رکھے ہوئے ہے۔انہوں نے مزید کہا کہ اسرائیل کچھ مغربی ممالک کو اس جنگ میں گھسیٹنا چاہتا ہے۔ان کا یہ بھی کہنا تھا کہ امریکا کے ساتھ جوہری مذاکرات اب بھی ممکنات میں سے ہیں۔