Live Updates

)زمبابوے کے تجارتی وفد کی پاکستان انٹرنیشنل بزنس ٹریڈ انڈسٹری اینڈ کامرس سے ملاقات، مفاہمتی یاداشت پر دستخط

ق*سربراہ وفد جوزف اسرائیل تھامپسن اور چیئرمین (پیبٹک) شعبان اختر نے دستخط کئے

پیر 16 جون 2025 21:55

لاہور (اُردو پوائنٹ اخبارتازہ ترین - آن لائن۔ 16 جون2025ء) زمبابوے کے تجارتی وفد رورل انٹرپرائز ڈویلپمنٹ ٹرسٹ (آر سی ڈی ٹی) اور پاکستان انٹرنیشنل بزنس ٹریڈ انڈسٹری اینڈ کامرس(پیبٹک )کے مابین مفاہمتی یادداشت (ایم او یو) پر دستخط کئے جانے کی تقریب کا انعقاد ہوا جس میں ایگزیکٹو ممبران پبٹک و داروغہ والا انڈسٹری اونرز ایسوسی ایشن کی کابینہ سمیت معروف کاروباری شخصیات اور تاجر رہنماؤں نے شرکت کی۔

دونوں تجارتی تنظیموں کی جانب سے مختلف ٹریڈز، ٹیکسٹائل، ہاسپٹل کلاتھنگ، سرجیکل و فارماسیوٹیکل ،ایگریکلچرل مشینری، سپورٹس، سینٹری سرامکس،کنسٹرکشن،لیدر سیفٹی ویئر، آٹو پارٹس، کاسمیٹکس پراڈکٹس کی فراہمی ایم او یو میں شامل ہیں۔ تقریب میں کہا گیا ہے کہ دونوں تنظیموں کے مابین بی ٹو بی ملاقاتیں بھی جاری رہیں گی۔

(جاری ہے)

یادداشت پر جوزف اسرائیل تھامپسن، رانا شعبان اختر، دیوان رمیض اور عمر عبداللہ نے دستخط کیئے۔

دریں اثنائ ایگزیکٹو ممبر پیبٹک شاہد لال نے وفد کے اعزاز میں عشائیہ کا اہتمام کیا۔ شعبان اختر، دیوان رمیض اور جوزف تھامپسن نے اپنے خطاب میں ایم او یو کو خوش آئند قرار دیتے ہوئے کہا کہ اس تجارتی معاہدے سے دونوں ممالک کے درمیان ہم آہنگی اور سیاحت کو بھی فروغ ملے گا۔ اس موقع پر جنرل سیکرٹری داروغہ والہ انڈسٹری اونرز ایسوسی ایشن شہزاد سلیم،ممبران وایگزیکٹوممبران پبٹک محمد الیاس،اشفاق حسین، حافظ جنید،عرفان شاہدلال، ندیم شاہدلال،رانا غلمان محمد،مدثر غفور،بدر ظہور چشتی و دیگر بھی موجود تھے۔