Live Updates

ْاسرائیلی وزیراعظم نے ایران کے سپریم لیڈر آیت اللہ خامنہ ای کو نشانہ بنانے کا اشارہ دیدیا

منگل 17 جون 2025 14:30

تل ابیب (اُردو پوائنٹ اخبارتازہ ترین - این این آئی۔ 17 جون2025ء)اسرائیلی وزیراعظم بنجامن نیتن یاہو نے ایران کے سپریم لیڈر آیت اللہ خامنہ ای کو نشانہ بنانے کا اشارہ دیدیا۔امریکی ٹی وی کو انٹرویو میں نیتن یاہو نے کہا کہ آیت اللہ خامنہ ای کے قتل سے ایران اسرائیل تنازعہ بڑھے گا نہیں بلکہ ختم ہوجائے گا۔

(جاری ہے)

ان سے پوچھا گیا کہ امریکی صدر نے آیت اللہ خامنہ ای کو قتل کرنے کے منصوبے کو روک دیا تھا کیونکہ اس سے کشیدگی بڑھ سکتی ہے اور جنگ پھیل سکتی ہے۔ اس پر نتین یاہو نے کہا کہ کشیدگی بڑھے گی نہیں بلکہ تنازعہ ختم ہوجائے گا۔ اسرائیلی وزیراعظم کا کہنا تھا کہ ایران اس جنگ میں اسرائیل کو نیوکلیئر وار کے دہانے پر لانا چاہتا ہے اور دعوی کیا کہ اسرائیل اس کو روکنے کی کوشش کررہا ہے۔