امید ہے ایئر پنجاب کی پہلی پرواز ایک سال کے اندر پہلی اڑان بھرے گی‘ مریم اورنگزیب

اپوزیشن کو مفت دوائیوں، بلاسود گھر، کسان کارڈ ،ٹریکٹر سمیت بچوں کو لیپ ٹاپ اور وظائف ملنے پر اعتراض ہے تو کرے

منگل 17 جون 2025 22:36

امید ہے ایئر پنجاب کی پہلی پرواز ایک سال کے اندر پہلی اڑان بھرے گی‘ ..

لاہور(اُردو پوائنٹ اخبارتازہ ترین - این این آئی۔ 17 جون2025ء)سینئر صوبائی وزیر مریم اورنگزیب نے کہا ہے کہ ایئر پنجاب اور ہائی اسپیڈ ٹرین منصوبوں کی فیزیبلٹی اسٹڈی کے لیے ابتدائی سرمایہ کاری کی رقم مختص کردی گئی ہے، امید ہے ایئر پنجاب کی پہلی پرواز ایک سال کے اندر پہلی اڑان بھرے گی۔ایک انٹر ویو میں مریم اورنگزیب نے کہا کہ بجٹ کی کاپیاں پھاڑنا بجٹ کی مخالفت نہیں ہوتی، مخالفت یہ ہوتی ہے کہ آپ اصلاح کریں، اسمبلی میں فنانس بل میں ترمیم اور تجاویز پیش کریں جس کے حساب سے حکومت فیصلہ کرتی ہے اور یہ پورا ایک طریق کار ہے۔

مریم اورنگزیب نے کہا کہ اپوزیشن کو اگر مفت دوائیوں، بلاسود گھر، کسان کارڈ اور ٹریکٹر سمیت بچوں کو لیپ ٹاپ اور وظائف ملنے پر اعتراض ہے تو کرے ورنہ ہم نے تو اس بجٹ میں سوائے ریلیف کے کچھ اور نہیں رکھا۔

(جاری ہے)

ہم نے تو اس بجٹ میں ویلفیئر، ہیومن ڈیولپمنٹ، واٹر، سینی ٹیشن، پینے کے صاف پانی اور روڈ اور انفرا استرکچر کے علاوہ کچھ نہیں کیا جو اخراجات ہیں اس کو دیکھیں اور کراحتجاج کر لیں۔

پینشن اور تنخواہوں کی مد میں بجٹ مختص کرنے کے حوالے سے سوالوں کا جواب دیتے ہوئے مریم اورنگزیب نے بتایا کہ پنشن کا حجم تنخواہوں کے مجموعی حجم کے حساب سے طے کیا جاتا ہے، وفاق نے کم از کم اجرت 37 جبکہ پنجاب نے 40 ہزار روپے رکھی ہے، یہی وجہ ہے کہ پنجاب حکومت نے تنخواہ اور پنشن میں اضافے کو اسی حجم کے حساب سے طے کیا ہے۔حالیہ بجٹ میں عوام کے پیسوں سے نواز شریف کے نام پر 7 منصوبوں کے رقم مختص کرنے پر سینئر صوبائی وزیر مریم اونگزیب نے کہا کہ نواز شریف عوام کے منتخب کردہ 3 مرتبہ وزیر اعظم رہ چکے ہیں اور یہ اسی طرح ہوگا۔