نائب وزیر اعظم اور وزیر خارجہ سینیٹر محمد اسحاق ڈار کی زیرصدارت پاک-یو اے ای مشترکہ وزارتی کمیشن کی کی تیاری کے لئے بین الوزارتی اجلاس

منگل 17 جون 2025 22:47

اسلام آباد (اُردو پوائنٹ اخبارتازہ ترین - اے پی پی۔ 17 جون2025ء) نائب وزیر اعظم اور وزیر خارجہ سینیٹر محمد اسحاق ڈار نے منگل کو یہاں پاکستان اور متحدہ عرب امارات کے مشترکہ وزارتی کمیشن کے 12ویں اجلاس کے لیے دوسرے بین الوزارتی تیاری کے اجلاس کی صدارت کی۔ یہ اجلاس آئندہ ہفتے ابوظہبی میں منعقد ہوگا۔

(جاری ہے)

دفتر خارجہ کے مطابق اجلاس میں وزیراعظم کے معاون خصوصی برائے نائب وزیر اعظم، وزارت خارجہ، اقتصادی امور، داخلہ، ثقافت، ریلوے، کامرس، آئی ٹی، نجکاری، خوراک، توانائی، موسمیاتی تبدیلی، ہوا بازی، تعلیم، سائنس اور ٹیکنالوجی، صحت، بین الصوبائی رابطہ، بجلی اور پٹرولیم کی وزارتوں کے حکام کے علاوہ ایس آئی ایف سی اور سٹیٹ بینک کے سینئر حکام نے شرکت کی۔

اجلاس میں مختلف شعبوں میں پاک-یو اے ای دوطرفہ تعاون پر پیش رفت کا جائزہ لیا گیا اور دونوں ممالک کے درمیان سرمایہ کاری بڑھانے کے مواقع پر تبادلہ خیال کیا گیا۔ اس موقع پر نائب وزیراعظم نے متحدہ عرب امارات کے ساتھ اقتصادی اور تجارتی تعلقات کو مزید وسعت دینے کی اہمیت پر زور دیا۔