Live Updates

ملک بھر میں موسم خشک اور شدید گرم، گلگت بلتستان و کشمیر میں بارش کی پیشگوئی

پنجاب،سندھ اور بلوچستان میں موسم شدید گرم اور خشک رہے گا

جمعرات 19 جون 2025 14:16

اسلام آباد(اُردو پوائنٹ اخبارتازہ ترین - این این آئی۔ 19 جون2025ء)محکمہ موسمیات نے ملک کے بیشتر علاقوں میں آئندہ 24 گھنٹوں کے دوران موسم خشک اور شدید گرم رہنے کی پیشگوئی کی ہے۔

(جاری ہے)

محکمہ موسمیات کے مطابق اسلام آباد اور خیبرپختونخوا کے مختلف علاقوں میں موسم شدید گرم رہے گا، جبکہ پنجاب، سندھ اور بلوچستان میں بھی گرمی اور خشکی کی شدت برقرار رہنے کا امکان ہے۔دوسری جانب گلگت بلتستان اور کشمیر کے بعض علاقوں میں گرج چمک کے ساتھ بارش کی توقع ظاہر کی گئی ہے جو موسم کو خوشگوار بنا سکتی ہے۔محکمہ موسمیات نے شہریوں کو شدید گرمی کے دوران احتیاطی تدابیر اختیار کرنے کی ہدایت کی ہے، خاص طور پر دوپہر کے اوقات میں دھوپ سے بچنے اور پانی کا زیادہ استعمال کرنے کی تاکید کی گئی ہے۔