جنوبی پنجاب کے دیہات میں رہنے والی خواتین کیلئے ایک اور تاریخ ساز قدم

جنوبی پنجاب کے 12 اضلاع میں 2 ارب روپے سے 11 ہزاردیہی خواتین کو4870 مفت بھینسیں اور گائیں دی جائیں گی دیہات اور شہروں میں غربت کا فرق مٹانا،ہمارا عزم ہے،معاشی ترقی دیہات میں رہنے والی بیٹی کا بھی حق ہے‘ مریم نواز

ہفتہ 21 جون 2025 17:25

جنوبی پنجاب کے دیہات میں رہنے والی خواتین کیلئے ایک اور تاریخ ساز قدم

لاہور (اُردو پوائنٹ اخبارتازہ ترین - این این آئی۔ 21 جون2025ء)وزیراعلیٰ پنجاب مریم نواز شریف نے جنوبی پنجاب کے دیہات میں رہنے والی خواتین کے لئے ایک اور تاریخ ساز قدم اٹھایا ہی-وزیراعلیٰ مریم نواز شریف کی طرف سے غریب اور نادار دیہی خواتین کے لئے بہتر ذریعہ روزگار کا اہتمام کیا گیا ہی- دیہات میں رہنے والی غریب بیوہ خواتین کو بھینسیں اور گائیں ملیں گی-جنوبی پنجاب کے 12 اضلاع میں 2 ارب روپے سے 11ہزاردیہی خواتین کو بھینسیں اور گائیں دی جائیں گی-وزیراعلیٰ مریم نواز شریف کے بے مثال پروگرام کے پہلے مرحلے میں 4870مویشی دیئے جائیں گی-سی ایم پنجاب لائیوسٹاک اثاثہ جات پروگرام کا مقصد دودھ کی پیداوار میں اضافہ اور دیہی خواتین کے لئے گھر بیٹھے روزگار کا اہتمام ہی-وزیراعلیٰ لائیو سٹاک اثاثہ جات پروگرام کے تحت ڈیرہ غازی خان، مظفر گڑھ، راجن پور، لیہ اور کوٹ ادو میں دیہی خواتین کو فری مویشی ملیں گی-ملتان، خانیوال، لودھراں، وہاڑی، رحیم یار خان اور بہاولپور میں بھی دیہی خواتین کو بہتر ذریعہ معاش کے لئے مفت مویشی ملیں گی-55سال تک عمر کی مطلقہ اور بیوہ غریب خواتین گھر بیٹھے ایپ کے ذریعے بھی اپلائی کر سکتی ہیں- دیہی خواتین مفت مویشی حاصل کرنے کے لئے شفاخانہ حیوانات میں وزیراعلیٰ سہولت ڈیسک سے بھی رابطہ کر سکتی ہیں -وزیراعلی مریم نوازشریف نے کہاکہ دیہات اور شہروں میں غربت کا فرق مٹاناہمارا عزم ہے۔

(جاری ہے)

معاشی ترقی دیہات میں رہنے والی بیٹی کا بھی حق ہے۔ وزیراعلی مریم نوازشریف نے کہاکہ شہروں اور دیہات میں مساوی معاشی مواقع فراہم کررہے ہیں۔ عورت شہر میں ہوں یا دیہات میں تعلیم، صحت اور روزگار اس کا بنیادی حق ہے۔