وزیراعلیٰ بلوچستان سے نیشنل پارٹی کے سربراہ ڈاکٹرعبدالمالک بلوچ کی ملاقات

منگل 24 جون 2025 21:58

کوئٹہ (اُردو پوائنٹ اخبارتازہ ترین - این این آئی۔ 24 جون2025ء) وزیر اعلیٰ بلوچستان میر سرفراز بگٹی سے منگل کو نیشنل پارٹی کے سربراہ ڈاکٹر عبدالمالک بلوچ نے ملاقات کی۔ ملاقات میں صوبے کی مجموعی صورتحال اور عوامی مسائل پربات چیت اورعوامی فلاح و بہبود اور ترقیاتی منصوبوں پر مشاورت کی گئی۔

(جاری ہے)

ملاقات میں بلوچستان میں سیاسی ہم آہنگی اور جمہوری اقدار کے فروغ پر اتفاق کیا گیا۔ وزیراعلیٰ بلوچستان میرسرفراز بگٹی نے کہا کہ بلوچستان کی ترقی تمام سیاسی جماعتوں کی مشترکہ ذمہ داری ہے،سیاسی اختلافات سے بالاتر ہو کر عوام کی خدمت ہمارا مقصد ہے۔انہوں نے کہا کہ منتخب نمائندوں سے مشاورت جمہوریت کا حسن ہے،ترقی، مفاہمت اور شراکتِ عمل سے ہی بلوچستان کا مستقبل بہتر ہو سکتا ہے۔