شہید میجر سید معیز عباس شاہ کی نماز جنازہ ادا، فیلڈ مارشل سید عاصم منیر، وفاقی وزیر داخلہ واعلیٰ افسران کی شرکت

راولپنڈی(اردوپوائنٹ اخبار تازہ ترین۔25جون 2025)جنوبی وزیرستان میں فتنۃ الخوارج کے خلاف بہادری سے لڑتے ہوئے شہید میجر سید معیز عباس شاہ کی نماز جنازہ ادا کردی گئی ، فیلڈ مارشل سید عاصم منیر، وفاقی وزیر داخلہ واعلیٰ عسکری و سول افسران و جوانوں نے شرکت کی،چکوال کے رہائشی 37 سالہ میجر سید معیز عباس شاہ کی نماز جنازہ چکلالہ گیریژن راولپنڈی میں ادا کی،شہید کو ملک و ملت کے دفاع کیلئے جان قربان کرنے پر پورے فوجی اعزاز کے ساتھ سپرد خاک کرنے کیلئے آبائی علاقے چکوال منتقل کر دیا گیا ہے۔

میجر سید معیز عباس شاہ وہی افسر تھے جنہوں نے بھارتی پائلٹ ابھی نندن ورتھمان کو عوام کے تشدد سے بچا کر گرفتار کیا تھا۔گزشتہ روزپاک فوج کے میجر سید معیز عباس شاہ جنوبی وزیرستان میں خوارج دہشت گردوں کے خلاف آپریشن کے دوران جام شہادت نوش کر گئے تھے۔

(جاری ہے)

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے سراروغہ میں خفیہ اطلاعات پر سیکیورٹی فورسز کی جانب سے آپریشن کیا گیاتھا۔

آئی ایس پی آر کے مطابق شدید فائرنگ کے تبادلے میں میجر معیز عباس شاہ اور لانس نائیک جبران اللّٰہ شہید ہو گئے تھے۔آئی ایس پی آر کا یہ بھی کہنا تھا کہ میجر سید معیز عباس شاہ آپریشن کی قیادت کر رہے تھے۔آپریشن کے دوران سیکیورٹی فورسز نے خوارج کے ٹھکانے کو موثر طریقے سے نشانہ بنایا گیا تھا اور آپریشن کے دوران بھارت کی سرپرستی میں سرگرم 11 خوارج ہلاک اور 7 زخمی ہوئے تھے۔

37 سالہ میجر معیز شہید کو متعدد آپریشنز میں خوارج کے خلاف جرا?ت مندانہ کارروائیوں اور بہادری کیلئے جانا جاتا ہے ان کا تعلق چکوال سے ہے جبکہ 27 سالہ شہید لانس نائیک جبران اللّٰہ کا تعلق ضلع بنوں سے ہے۔پاک فوج کے شعبہ تعلقات عامہ آئی ایس پی آر کے مطابق 24 جون 2025 کو سیکیورٹی فورسز نے جنوبی وزیرستان کے علاقے سرا روغہ میں خفیہ اطلاعات کی بنیاد پر ایک آپریشن کیاتھا۔

آپریشن میں بھارت کے حمایت یافتہ '' فتنہ الخوارج'' کے 11 دہشتگرد ہلاک اور 7 زخمی کردیئے گئے تھے۔ آپریشن کے دوران پاک فوج کے جوانوں نے دشمن کے ٹھکانے کو مؤثر طریقے سے نشانہ بنایا گیا تھا جس کے نتیجے میں بھارت کے حمایت یافتہ گیارہ خوارج واصلِ جہنم کر دئیے گئے جبکہ سات دہشتگرد زخمی ہوئے تھے۔آپریشن کے دوران شدید فائرنگ کے تبادلے میں میجر سید معیز عباس شاہ اور لانس نائیک جبران اللہ نے جام شہادت نوش کیاتھا۔

27 سالہ لانس نائیک جبران اللہ کا تعلق ضلع بنوں سے تھا۔ میجر معیز شہید کو خوارج کے خلاف کئی آپریشنز میں ان کی بہادری اور جرات مندانہ اقدامات کیلئے جانا جاتا تھا۔ علاقے میں مزید بھارتی حمایت یافتہ خوارج کی تلاش اور خاتمے کیلئے کلیئرنس آپریشن جاری رکھا گیا تھا۔ پاکستان کی سیکیورٹی فورسز ملک سے بھارتی حمایت یافتہ دہشتگردی کے مکمل خاتمے کیلئے پرعزم تھیں اور ہمارے ان بہادر سپوتوں کی قربانیاں ہمارے عزم کو مزید مضبوط کرتی تھیں۔