کراچی ، دہشتگردی میں ملوث ’را‘ کے 4 ایجنٹ گرفتار

گرفتار شدگان بھارتی خفیہ ایجنسی را کے ایجنٹ ہیں اور بھارت میں ایک کرنل سے رابطے میں تھے، شعیب میمن

بدھ 25 جون 2025 20:33

کراچی ، دہشتگردی میں ملوث ’را‘ کے 4 ایجنٹ گرفتار

کراچی (اُردو پوائنٹ اخبارتازہ ترین - آن لائن۔ 25 جون2025ء) کراچی میں سیکیورٹی فورسز نے دہشتگردی میں ملوثٖ را کے چار ایجنٹوں کو گرفتار کرلیا ۔ ایس ایس پی ایس آئی یو شعیب میمن نے پریس کانفرنس کرتے ہوئے بتایا کہ قائد آباد میں حساس ادارے کے ساتھ مشترکہ کارروائی کے دوران 4 دہشتگردوں کو گرفتار کیا گیا ہے۔

(جاری ہے)

انہوں نے کہا گرفتار شدگان بھارتی خفیہ ایجنسی را کے ایجنٹ ہیں اور بھارت میں ایک کرنل سے رابطے میں تھے۔ ملزمان کے موبائل فونز سے ملک دشمن مواد بھی برآمد ہوا ہے۔ انہوں نے بتایا کہ یہ دہشتگرد سال 2024 میں دہشتگردی کی تربیت کے لیے بھارت گئے تھے اور انہوں نے سجاول کے ساحلی راستے سے بھارت کا سفر کیا۔ انہوں نے کہا کہ گرفتار ملزمان کے خلاف مزید تحقیقات جاری ہیں۔