Live Updates

جس قیادت کو اپنے ہی کارکن گالیاں دے رہے ہوں اس کے پیچھے کون نکلے گا؟، شیرافضل مروت

یہ لمحہ فکریہ ہے پی ٹی آئی کے رہنما ہی اپنی پارٹی کی تباہی کر رہے ہیں، خیبرپختونخوا ہ اسمبلی سے بجٹ کے معاملے کو متنازعہ بنایا گیا، ایک سال سے احتجاج کا اعلان ہوا ہے بانی پی ٹی آئی کی رہائی کیلئے احتجاج کیوں نہیں کیا جا رہا، رکن قومی اسمبلی کی میڈیا سے گفتگو

فیصل علوی جمعرات 26 جون 2025 14:42

جس قیادت کو اپنے ہی کارکن گالیاں دے رہے ہوں اس کے پیچھے کون نکلے گا؟، ..

پشاور(اردوپوائنٹ اخبار تازہ ترین۔26جون 2025)رکن قومی اسمبلی شیر افضل مروت کا کہنا ہے کہ جس قیادت کو اپنے ہی کارکن گالیاں دے رہے ہوں اس کے پیچھے کون نکلے گا؟ یہ لمحہ فکریہ ہے پی ٹی آئی کے رہنما ہی اپنی پارٹی کی تباہی کر رہے ہیں، خیبرپختونخوا ہ اسمبلی سے بجٹ کے معاملے کو متنازعہ بنایا گیا،پشاور ہائیکورٹ میں پیشی کے موقع پر میڈیا سے گفتگو کرتے ہوئے رکن قومی اسمبلی شیرافضل نے پارٹی قیادت اور خیبرپختونخواہ حکومت پر تنقید کرتے ہوئے کہا کہ ایک سال سے احتجاج کا اعلان ہوا ہے بانی کی رہائی کیلئے احتجاج کیوں نہیں کیا جا رہا، ایک سال قبل پارٹی کہاں کھڑی تھی اور آج کہاں کھڑی ہے؟۔

پی ٹی آئی کی لیڈر شپ کو اپنے ہی لوگوں نے متنازع بنایا ہے۔ بجٹ کو بانی پی ٹی آئی کی رضامندی سے مشروط کرنا خودساختہ فیصلہ تھا۔

(جاری ہے)

انہوں نے کہا کہ پولیٹیکل کمیٹی میں باہم رضامندی سے بجٹ کی منظوری ہوئی اور اس کا ڈرافٹ سلمان اکرم راجہ نے تیار کیا تھا۔اپنی ہی پارٹی کی تباہی کر رہے ہیں۔ پنجاب، سندھ اور کوئٹہ میں کسی نے بجٹ کو متنازع نہیں بنایا۔

شیر افضل مروت نے کہا کہ یوٹیوب چینلز بندش کی بندش سے بہت سے لوگوں کی دکانیں بند ہو جائے گی۔ پی ٹی آئی کی لیڈر شپ کو اپنے ہی لوگوں نے متنازع بنایا ہے۔ سوشل میڈیا سے وابسطہ لوگ پارٹی کے پیچھے پڑے ہیں۔شیر افضل مروت کایہ بھی کہنا تھا کہ خیبرپختونخوا میں وزیراعلیٰ کی کھلے عام ٹرولنگ ہو رہی ہے، جو انتظامی کمزوری کا ثبوت ہے۔ پنجاب اور سندھ میں بجٹ آرام سے پاس ہوا تو یہاں ایسا کیوں نہ ہو سکا؟ سب کو نظر آ رہا ہے۔

وزیر اعلی ہاوس کے 11 کروڑ روپے کے بسکٹ پر خرچ کرنے کا معاملہ سوشل میڈیا پر ہے۔سوشل میڈیا نے پی ٹی آئی کو سخت نقصان پہنچایا ہے۔ پی ٹی آئی کے یوٹیوبرز کے چینل بندش کے حوالے سے پہلے بھی کہا تھا۔رکن قومی اسمبلی شیر افضل مروت کامزید یہ بھی کہنا تھا کہ ایم این ایز اور ایم پی ایز کو کروڑوں روپے کے ترقیاتی فنڈز دئیے گئے لیکن ان کا اپنا حلقہ تاحال ترقیاتی کاموں سے محروم ہے۔ اگر اسی طرح کا رویہ جاری رہا تو میں سالانہ ترقیاتی پروگرام کے لیے مرکزی حکومت سے مدد کی اپیل کروں گا۔شیر افضل نے کہا کہ مجھے میرے حلقے کیلئے فنڈز نہیں دیا گیا اور مجھے پارٹی سے بھی نکال دیا اگر صوبائی حکومت نے اے ڈی پی نہیں دی تو مرکز کے پاس جاؤں گا۔