بھارتی فوجیوں نے ادھم پور، سامبا میں تلاشی آپریشن شروع کر دیا

جمعرات 26 جون 2025 21:40

سرینگر (اُردو پوائنٹ اخبارتازہ ترین - این این آئی۔ 26 جون2025ء)بھارت کے غیر قانونی زیر قبضہ جموںوکشمیر میں بھارتی فورسز اہلکاروں نے ادھم پور اور سامبا اضلاع میں محاصرے اور تلاشی کی کارروائیاں شروع کر دی ہیں۔کشمیر میڈیا سروس کے مطابق فورسز اہلکاروں نے جمعرات کی صبح ضلع ادھمپور کے علاقے بسنت گڑھ میں آپریشن شروع کیا۔

(جاری ہے)

ایک سینئر پولیس افسر نے بتایا کہ یہ آپریشن علاقے میں مشتبہ نقل و حرکت کے بارے میں ایک خفیہ اطلاع پر شروع کیا گیا۔آپریشن کے دوران بھارتی فورسز اہلکاروں پر فائرنگ کی بھی اطلاعات ہیں۔ آخری اطلاعات تک علاقے میں بھارتی فورسز کا آپریشن جاری تھا۔بھارتی فورسز نے ضلع سانبا کے علاقے پورمنڈل میں بھی تلاشی آپریشن شروع کر دیا ہے۔