کوسٹ گارڈز نے 93 ارب مالیت کی منشیات کو تلف کردیا

تلف منشیا ت میں10862 کلو چرس،80کلو کرسٹل، 1758کلو ہیروئن، 117کلوآئس،2888بوتلیں شراب شامل

جمعہ 27 جون 2025 02:30

کراچی (اُردو پوائنٹ اخبارتازہ ترین - این این آئی۔ 27 جون2025ء)پاکستان کوسٹ گارڈز نے ایک سال کے دوران پکڑی جانے والی 93ارب روپے سے زائد مالیت کی ہزاروں کلوگرام منشیات کو تلف کردیا۔منشیات کے عالمی دن کی مناسبت سے پاکستان کوسٹ گارڈز نے ایک سال کے اندر مختلف کارروائیوں میں لی گئی منشیات کو تلف کیا۔جاری بیان کے مطابق ایک سال میں 10862کلو گرام چرس،80کلو گرام کرسٹل، 1758کلو گرام ہیروئن، 117کلوگرام آئس،150 کلوگرام بھنگ جبکہ 2888 شراب کی بوتلیں اور2402 ٹن بیئرکونذرآتش کیاگیا۔

ترجمان کوسٹ گارڈزکے مطابق منشیات کا عالمی دن منانے کا مقصد اقوام عالم کواسمگلنگ اورمنشیات کینقصانات سے آگاہی دلانا اور منشیات کو تلف کرنا ہے۔بلا شبہ منشیات انسانی جانوں کیلئے زہر قاتل ہے۔ترجمان کے مطابق اسمگلنگ اورمنشیات کا ناسورکس طرح ہماری قوم اوربین الاقوامی برادری کو نقصان پہنچارہا ہے،ہم سب اس سے آگاہ ہیں۔

(جاری ہے)

لہذا ہم سب کومل کران کیخلاف جہاد کرنا ہوگا۔

اس دن کی مناسبت سے پاکستان کوسٹ گارڈز سے اسکول اور کالج کے طلبا وطالبات کوبھی منشیات کے استعمال سے پہنچنے والے نقصانات سے آگاہی فراہم کی۔واضح رہے کہ نذرآتش کی جانے والی منشیات کی عالمی مارکیٹ میں مالیت 329 ملین ڈالرکے لگ بھگ ہے جو پاکستانی کرنسی کے حساب سے 93 ارب 40 کروڑ 62 لاکھ 58 ہزار 400 کے قریب بنتی ہے۔