Live Updates

وفاقی وزیرداخلہ محسن نقوی کا پشاور کے علاقے شمشتوارمڑ میں دہشت گردی کا منصوبہ ناکام بنانے پر سی ٹی ڈی کو خراج تحسین

پیر 30 جون 2025 00:20

اسلام آباد (اُردو پوائنٹ اخبارتازہ ترین - اے پی پی۔ 30 جون2025ء) وفاقی وزیرداخلہ محسن نقوی نے پشاور کے علاقے شمشتوارمڑ میں دہشت گردی کا منصوبہ ناکام بنانے پر سی ٹی ڈی کو خراج تحسین پیش کیا اور کہا کہ سی ٹی ڈی کے بہادر اور پروفیشنل سپوتوں پر فخر ہے۔

(جاری ہے)

اتوارکو وزارت داخلہ کی طرف سے جاری بیان میں وزیر داخلہ محسن نقوی نے کہا کہ سی ٹی ڈی خیبرپختونخوا نے خود کش حملہ آور اور ہینڈلر کو جہنم واصل کر کے دہشت گردی کے منصوبے کو خاک میں ملایا، سی ٹی ڈی ٹیم کی پیشہ وارانہ صلاحیتوں اور جرات کو سلام پیش کرتا ہوں۔

محسن نقوی نے کہا کہ بہادر سپوتوں نے پہلے بھی فتنہ الہندوستان کے دہشتگردوں کے خلاف نمایاں کامیابیاں حاصل کی ہیں، فتنہ الہندوستان کے دہشتگردوں کے ناپاک عزائم خاک میں ملانے پر سی ٹی ڈی ٹیم کو مبارکباد دیتا ہوں۔ وزیر داخلہ نے کہا کہ سی ٹی ڈی کے بہادر اور پروفیشنل سپوتوں پر فخر ہے۔