aنجی ہائوسنگ سوسائٹی سے کروڑوں روپے رشوت کا مقدمہ

qفواد چوہدری کیخلاف چالان طلب،مزید سماعت17 جولائی تک ملتوی

پیر 30 جون 2025 18:05

Z راولپنڈی (اُردو پوائنٹ اخبارتازہ ترین - آن لائن۔ 30 جون2025ء) اینٹی کرپشن راولپنڈی کی خصوصی عدالت کے جج خاور رشید نے نجی ہاؤسنگ سوسائٹی سے کروڑوں روپے رشوت وصول کرنے کے مقدمہ میں نامزد سابق وفاقی وزیر فواد چوہدری کے خلاف مقدمہ میں چالان طلب کر لیا ہے اور مزید کسی کاروائی کے بغیر سماعت 17 جولائی تک ملتوی کردی ہے گزشتہ روز سماعت کے موقع پر فواد چوہدری اپنے وکیل کے ہمراہ عدالت میں پیش ہوئے اس موقع پر عدالت نے ملزم کی حاضری کے بعد اینٹی کرپشن کو ہدایت کی کہ آئندہ تاریخ پر مقدمہ کا مکمل چالان پیش کیا جائے عدالت نے 17 جولائی تک سماعت ملتوی کردی یاد رہے کہ اینٹی کرپشن اسٹیبلشمنٹ نے تعزیرات پاکستان کی دفعات 162/ 163 اور اینٹی کرپشن ایکٹ کی دفعہ 5/2/47 کے تحت گزشتہ سال 29 نومبر کو مقدمہ درج کیا تھا سب انسپکٹر عبدالغفار بھٹی کی مدعیت میں درج مقدمہ میں سابق وفاقی وزیر فواد چوہدری، اس کے کزن و فرنٹ مین فوق شیراز چوہدری کے علاوہ ضلع کونسل جہلم کے سابق ڈسٹرکٹ افسر پلاننگ محمد داؤد اور سیکریٹری ڈسٹرکٹ پلاننگ اینڈ ڈیزائن کمیٹی جہلم کو بھی نامزد کیا گیا ہے مقدمہ کے متن کے مطابق ملزمان نے کرپشن کا ارتکاب کرتے ہوئے جی ٹی روڈ دینہ پر واقع نجی ہاؤسنگ سوسائٹی سے رشوت کی مد میں مجموعی طور پر 2 کروڑ روپے وصول کئے جس کے لئے فوق شیراز چوہدری کے ذریعے سوسائٹی سے تمام سرکاری امور کی انجام دہی، زمین کی خریداری اور این او سی کی منظوری لے کر دینی تھی۔