Live Updates

جماعت اسلامی سندھ کی جانب سے پیٹرولیم مصنوعات کی قیمتوں میں بھاری اضافے کی شدید مذمت

منگل 1 جولائی 2025 23:05

کراچی(اُردو پوائنٹ اخبارتازہ ترین - این این آئی۔ 01 جولائی2025ء)جماعت اسلامی سندھ کے امیر کاشف سعید شیخ نے کہا ہے کہ پٹرول کی قیمت میں اضافہ سے مہنگائی کا نیا طوفان آئے گا ، پٹرول کی قیمت میں اضافہ واپس لیا جائے ، یہ اضافہ قابل قبول نہیں ہے ،حکومت نے ایک ماہ کے اندر پیٹرول کی قیمت 14 میں روپے اور ڈیزل کی قیمت 17 روپے اضافہ کرکے عوام کی کمر توڑ کر رکھ دی ہے جس سے ملک میں مہنگائی کا ایک نیا طوفان ا?ئے گا اور اور عوام کی قوت خرید مزید کم ہونے سے کاروباری سرگرمیاں ماند پڑ جائیں گی جبکہ معیشت شدید مشکلات کا شکار ہو گی ، حکومت کے اس اقدام سے بجلی مزید مہنگی ہو گی جس سے کاروبار کی لاگت میں کئی گنا اضافہ ہو گا جبکہ ڈیزل مہنگا ہونے سے ٹرانسپورٹ کی لاگت مزید بڑھ جائے گی جو شدید مہنگائی کا باعث بنے گی۔

(جاری ہے)

صوبائی امیر نے آج ایک بیان میں مزید کہا کہ حکومت پیٹرولیم مصنوعات پر عائد تمام ٹیکس اور پیٹرولیم لیوی کا خاتمہ کرے اور کاروبار، عوام اور معیشت کو تباہی سے بچانے کیلئے تیل کی قیمتوں میں موجودہ اضافے پر فوری نظرثانی کرے۔پیٹرولیم مصنوعات کی قیمتوں میں بھاری اضافے کا بوجھ عام شہریوں پر پڑے گا جو پہلے ہی مہنگائی کے بوجھ تلے دبے ہوئے ہیں۔

وفاقی بجٹ عوام کے لیے مہنگائی کا نیا طوفان لارہا ہے،یہ غربت نہیں غریب مکاو? وفاقی بجٹ ہے‘ جب سے ملک میں پی ڈی ایم ٹولے پر مشتمل جماعتوں کی جعلی حکومت قائم ہوئی ہے تب سیہوشربا مہنگائی نے عوام کی کمر توڑ کر رکھ دی ہے۔چینی 200سوروپے کلو، گیس، پیٹرول سمیت تمام اشیائے خورونوش کی قیمتیں آسمان سے باتیں کررہی ہیں لیکن جعلی حکمران مہنگائی میں کمی کے جھوٹے دعوے کرکے عوام کی آنکھوں میں دھول جھونکنے کی کوششوں میں مصروف ہیں، ایک طرف وزیروں،مشیروں، اسمبلی ممبران، اسپیکر، سینیٹ چیئرمین کی تنخواہوں میں 200فیصد سے زائد اضافہ کیا گیا تو دوسری جانب سرکاری ملازمین کی تنخواہوں میں مناسب اضافہ کرنے کی بجائے مزید ٹیکس اور گیس،پیٹرول سمیت ہر چیز مہنگی کرکے عوام سے جینے کا بنیادی حق بھی چھین لیا گیا ہے۔