پیپلز پارٹی آزاد کشمیر کے رہنما چوہدری ریاض کی زیر صدارت اجلاس ،پارٹی کے تنظیمی معاملات پر گفتگو

بدھ 2 جولائی 2025 18:27

اسلام آباد (اُردو پوائنٹ اخبارتازہ ترین - این این آئی۔ 02 جولائی2025ء)پاکستان پیپلز پارٹی آزاد کشمیر کے راہنماء چوہدری ریاض کی رہائش گاہ پر پیپلز پارٹی کے راہنماؤں کا ایک اجلاس منعقد ہوا جس میں گورنر خیبرپختونخوا فیصل کریم کنڈی ،سابق وزیر اعظم سردار تنویر الیاس ، پیپلز پارٹی کے سینیئر راہنمای چوہدری ریاض ، ایم ایل اے آزاد کشمیر اسمبلی چوہدری علی شان سونی ، وزیر ٹرانسپورٹ آزاد کشمیر جاوید بٹ ، سردار احمد صغیر مشیر حکومت آزاد کشمیر ، ایم ایل اے رفیق نیئر ، سردار عمر تنویر بھی موجود تھے ، اجلاس میں پیپلز پارٹی کے تنظیمی معاملات اور آنے والے انتخابات میں آزاد کشمیر کی سیاسی صورتحال پر تبادلہ خیال کیا گیا ، اجلاس میں کشمیر کی پارٹی کی فعالیت اور اہم شخصیات کی پارٹی میں شمولیت کے سلسلہ کو انتہائی خوش آئند قرار دیا گیا ، اجلاس میں آزاد کشمیر میں آنے والے انتخابات کے حوالہ سے متعدد تجاویز پر بھی غور و خوض کیا گیا