وفاقی وزیرِ صحت سید مصطفیٰ کمال سے پولیو اوور سائٹ بورڈ کے اعلیٰ سطحی وفد کی ملاقات،پولیو کے خاتمے کے لئے حکومتی اقدامات، درپیش چیلنجز اور آئندہ کے لائحہ عمل پر تفصیلی بریفنگ
(جاری ہے)
وزیر صحت نے کہا کہ وزیراعظم کی قیادت میں پاکستان کو جلد پولیو سے پاک کیا جائے گا اور اس کے لئے ہم تمام ریاستی وسائل بروئے کار لائیں گے، پولیو کے خاتمے کی جدوجہد میں ہمارے ہیلتھ ورکرز نے اپنی جانوں کا نذرانہ پیش کیا ہے جو ہمارے پختہ عزم کا ثبوت ہے۔
انہوں نے اس بات پر بھی زور دیا کہ پولیو وائرس اس وقت صرف پاکستان اور افغانستان میں موجود ہے اور ان دونوں ممالک کو پولیو وائرس کے حوالے سے مشترکہ زون تصور کیا جاتا ہے، ہم سرحد پار وائرس کے پھیلاؤ کو روکنے کے لئے بیک وقت مہمات کا انعقاد کر رہے ہیں اور نقل مکانی کرنے والی آبادیوں پر خصوصی توجہ دی جا رہی ہے، ہماری خواہش ہے کہ پاکستان اور افغانستان ایک ہی وقت میں پولیو سے پاک ہو جائیں۔ترجمان وزارتِ صحت کے مطابق اعلیٰ سطحی وفد افغانستان کے دورے کے بعد پاکستان پہنچا ہے اور وہ وزیرِاعظم سمیت دیگر اعلیٰ حکام سے بھی ملاقات کرے گا۔وفد نے پاکستان کے انسدادِ پولیو اقدامات کو سراہا اور پاکستان کے ساتھ تعاون جاری رکھنے کے عزم کا اعادہ کیا۔ وفد میں ڈبلیو ایچ او کی مشرقی بحیرہ روم کی ریجنل ڈائریکٹر ڈاکٹر حنان بلخی، یونیسیف کے جنوبی ایشیا کے ریجنل ڈائریکٹر سنجے وجیسیکرا، روٹری انٹرنیشنل پولیو پلس کمیٹی کے چیئر مائیک میک گورن اور کے ایس ریلیف کے نمائندے ڈاکٹر زیاد میمش سمیت دیگر اعلیٰ حکام شامل تھے۔مزید اہم خبریں
-
حکومت نے گدھوں کی کھالوں کی برآمد پر عائد پابندی ختم کر دی
-
اتنی کمزور انگلیاں ہماری بھی نہیں کہ مریم نواز کے ہاتھ میں توڑنے کیلئے دے دیں گے
-
مہنگائی کی شرح ایک سال کی بلند ترین سطح پر پہنچ گئی
-
مودی کی زبان نہ بولیں، اپنے چاچو کی حکومت ختم کرنی ہے کیا؟
-
یو این چیف کی برطانیہ میں یہودی عبادت گاہ پر دہشتگرد حملے کی کڑی مذمت
-
صمود فلوٹیلا پر حملے کیخلاف مولانا فضل الرحمان کا جمعہ کو ملک گیر مظاہروں کا اعلان
-
الیکشن میں شکایات ہوتی ہیں لیکن پیپلزپارٹی پارلیمانی عمل کوچلنے دینا چاہتی ہے
-
بیشترعالمی پرانی کمپنیاں پاکستان چھوڑ چکی، اسٹاک مارکیٹ میں بھی دلچسپی کم ہو رہی ہے
-
پالیسی سازی میں معمر افراد کی آراء مدنظر رکھنا ضروری، گوتیرش
-
جنرل اسمبلی: سلامتی کونسل میں غزہ جنگ بندی قرارداد ویٹو ہونے کا جائزہ
-
ملک میں فی تولہ سونا ہزاروں روپے اضافے کے بعد 2500 روپے سستا ہوگیا
-
خیبرپختونخوا میں 7 اکتوبر تک گرج چمک کے ساتھ بارش کی پیشگوئی
