مقبوضہ کشمیر میں شراب کی دکانیں کھولنے کیخلاف 3روزہ ہڑتال کا اعلان کردیا گیا

ہفتہ 5 جولائی 2025 20:05

سرینگر(اُردو پوائنٹ اخبارتازہ ترین - این این آئی۔ 05 جولائی2025ء) مقبوضہ کشمیر میں شراب کی دکانیں کھولنے کے خلاف 3روزہ ہڑتال کا اعلان کردیا گیا۔کشمیر میڈیا سروس کے مطابق بھارتی حکام کی جانب سے مقبوضہ علاقے میں شراب کی فروخت کی منظوری کو کشمیری عوام نے علاقے کی اسلامی روایات کی صریح بے توقیری قرار دیا ہے اور کہا ہے کہ وادی میں شراب کی دکانیں کھولنا علاقے کی مذہبی اور ثقافتی شناخت پر براہ راست حملہ ہے۔

(جاری ہے)

کشمیریوں نے کہا ہے کہ ایک مسلم اکثریتی علاقے میں شراب کی کھلے عام فروخت کا مقصد غیر اخلاقی رویئے کو فروغ دینا ہے ۔کل جماعتی حریت کانفرنس کے سینئر رہنما میر واعظ عمر فاروق نے سری نگر میں شراب کی دکانیں کھلنے پر سخت تشویش کا اظہار کیا ہے۔ ان کا کہنا ہے کہ جموں وکشمیر میں شراب نوشی کا فروغ کشمیری مسلمانوں کے ایمان اور تہذیب و تمدن حملہ ہے۔کشمیری تاجروں نے بھی سری نگر میں شراب کی دکانوں کے خلاف احتجاج کے لیے 3 دن کی ہڑتال اعلان کیا ہے۔ ان کا کہنا ہیکہ شراب کی دکانیں کھولنا مقبوضہ جموں وکشمیرکے عوام کیلئے مکمل طور پر ناقابل قبول ہے۔