Live Updates

صوبہ کے بیشتر علاقوں میں آئندہ 24 گھنٹوں کے دوران شدید مون سون بارشیں متوقع ہیں، ڈی جی پی ڈی ایم اے

پیر 7 جولائی 2025 17:30

لاہور (اُردو پوائنٹ اخبارتازہ ترین - اے پی پی۔ 07 جولائی2025ء) پی ڈی ایم اے نے لاہور سمیت پنجاب کے مختلف اضلاع میں مون سون بارشوں بارے رپورٹ جاری کردی ، آئندہ 24 گھنٹوں کے دوران صوبہ کے بیشتر علاقوں میں شدید مون سون بارشیں متوقع ہیں ، بارشوں کا یہ سلسلہ 10 جولائی تک جاری رہنے کا امکان ہے۔

(جاری ہے)

پی ڈی ایم اے کی رپورٹ کے مطابق گزشتہ روز لیہ کروڑ میں سب سے زیادہ بارش 37 ملی لیٹر ریکارڈ کی گئی ، کوٹ ادو میں 31، ڈیرہ غازی خان 29، بھکر 23، میانوالی 8، لاہور 7 ، نارووال میں 6 ،قصور 3، منڈی بہاوالدین 2 ،ملتان میں 1 ملی میٹر جبکہ سیالکوٹ، ،ٹوبہ ٹیک سنگھ، گجرات، بہاولنگر، ساہیوال، بہاولپور اور گوجرانوالہ میں بھی بارش ریکارڈ کی گئی ۔

ڈی جی پی ڈی ایم اے عرفان علی کاٹھیا نے کہا ہے کہ مون سون بارشوں کا یہ سلسلہ 10 جولائی تک جاری رہنے کا امکان ہے۔ شہری ان دنوں احتیاطی تدابیر اختیار کرتے ہوئے ا ٓسمانی بجلی کی گرج چمک کے دوران محفوظ مقامات پر رہیں ۔کچے مکانات اور خستہ عمارتوں میں ہر گز رہائش نہ رکھیں ۔بارش کے دوران گاڑی کی رفتار آہستہ رکھیں اور مناسب فاصلے پر رہیں جبکہ کسی بھی ایمرجنسی کی صورتحال میں پی ڈی ایم اے ہیلپ لائن 1129 پر رابطہ کریں ۔