ایران سے افغان پناہ گزینوں کی واپسی میں اضافہ

رواں برس اب تک 12 لاکھ سے زائد افغان واپس آچکے ہیں، اقوام متحدہ

بدھ 9 جولائی 2025 14:32

تہران (اُردو پوائنٹ اخبارتازہ ترین - این این آئی۔ 09 جولائی2025ء)ایران سے افغان پناہ گزینوں کی افغانستان واپسی میں اضافہ ہوگیا، اقوام متحدہ کی مہاجرین ایجنسی کے مطابق روزانہ ہزاروں افراد ایران سے واپس آ رہے ہیں۔رواں برس اب تک 12 لاکھ سے زائد افغان واپس آچکے ہیں، ایران نے افغان پناہ گزینوں کو واپسی کے لیے 6 جولائی کی ڈیڈ لائن دی تھی۔

(جاری ہے)

ایران سے افغان پناہ گزینوں کی بڑے پیمانے پر جبری واپسی پر ہلال احمر نے شدید تشویش کا اظہار کرتے ہوئے کہا ہے کہ گذشتہ ماہ کی اسرائیل ایران جنگ کے بعد ایران سے افغانوں کی واپسی میں اضافہ دیکھا جا رہا ہے۔

بیشتر افراد کو ان کی مرضی کے بغیر بسوں میں بٹھا کر سرحد تک پہنچایا گیا، رواں برس ایران سے مزید 10 لاکھ افغان واپس افغانستان بھیجے جا سکتے ہیں۔افغانستان میں کوئی گھر بار نہ ہونے پر واپس آنے والوں کا مسقتبل غیر یقینی ہے، بڑے پیمانے پر افغانوں کی واپسی نے امدادی نظام پر شدید دبا ڈال دیا ہے، واپس آنے والے افغانوں کی مدد کے لیے 3 کروڑ 14 لاکھ ڈالر کی اپیل پر اب تک صرف 10 فیصد رقم جمع ہوسکی ہے۔